Deterononm 32:27 - Labib An Kreol Seselwa

²⁷ Me mon ti per provokasyon lennmi. Zot bann ladverser ava riske mal konpran e dir: Nou lanmen ki pwisan pa SENYER ki'n fer tousala.

Deterononm 32:27 ပူးပေါင်းရင်းမြစ်များ

1 Rwa 20:28

Profet Bondye, ti aprose e dir lerwa Izrael, “La sa ki SENYER i deklare: Akoz bann Siriyen in dir SENYER i en bondye montanny, me pa en bondye laplenn, mon pou livre sa gran lafoul dimoun dan zot lanmen, e zot, zot ava konnen ki mwan menm SENYER.”

Psonm 140:8

SENYER! Pa pran ka avek plan bann malfeter. Pa les zot reisi dan zot proze.

Psonm 140:9

Bann ki pe antour mwan pe lev latet. Zot in swet mon maler. Fer ki sa maler i retonm lo zot.

Egzod 32:12

Si ou fer sa, bann Ezipsyen ava dir: I ti annan lentansyon touy zot. Pour sa rezon ki i ti delivre zot, anmenn zot dan montanny e fer zot disparet lo later! Pez ou gran lakoler e renonse fer dimal ou pep.

Ezai 37:10

La sa ki ou ava dir Ezekyas, lerwa Zida: Pa les ou Bondye dan ki ou'n met ou konfyans, anbet ou ler i dir ou ki Zerizalenm pa pou tonm dan lanmen lerwa Asiri.

Ezai 37:35

Mon pou defann sa lavil pour mwan sov li, pour mon prop loner e akoz mon serviter David.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Ezai 48:11

Mon fer sa pour mon prop loner; wi, pour mon prop loner. Annefe, mon pa pou les mon non ganny sali. Mon pa pou donn personn mon laglwar.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Nonm 15:30

Me si en natif Izraelit oubyen en etranze i fer en pese volonter, i komet en lofans anver SENYER, pou napa pardon pour li. I devret ganny pouse dan kominote.

Deterononm 9:28

sinon, zabitan sa pei kot ou ti fer nou sorti ava dir: SENYER pa ti kapab fer zot antre dan sa pei ki i ti'n promet zot. Akoz i ti ay zot ki i'n fer zot sorti pour anmenn zot dan dezer pour les zot mor.

Zozye 7:9

Bann Kananeen ek tou bann zabitan pei, ler zot pou antann sa ki'n arive, pou anserkle nou, detri nou e detri nou non dan sa pei. Ki mannyer ou pou fer rekonnet ou gran renonmen?”

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.