Deterononm 32:24 - Labib An Kreol Seselwa

²⁴ Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

Deterononm 32:24 ပူးပေါင်းရင်းမြစ်များ

Zenez 3:14

Alor, SENYER Bondye ti dir avek serpan: Akoz ou'n fer sa, ou pou ganny modi parmi tou bann zannimo. Ou pou ranpe lo later. Ou pou manz lapousyer tou le zour ou lavi.

Zenez 49:15

I ti war en bon landrwa pour repoze e pei ti agreab. Alor, i ti kourb son ledo anba son fardo e i ti vin parey en lesklav dan travoforse.

Liv Zob 20:16

In sis venen serpan, lalang en viper pou touy li.

Psonm 120:4

I ava pini ou avek bann dart lager, fite anba labrez bon dibwa.

Psonm 91:6

ni lepidemi ki rode dan fernwanr, ni bann lepidemi ki tap dan gran zour.

Ezai 65:25

Loulou ek mouton pou manz ansanm; lyon pou manz zerb parey bef; me serpan pou manz lapousyer! Pou napa okenn mal, ni destriksyon partou lo mon montanny sakre, SENYER ki deklare.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 8:17

SENYER i deklare: La mon pe anvoy tou kalite serpan kont zot. Personn pa pou kapab kontrol zot; zot pou ganny morde.

Lamantasyon 5:10

Lafen pe touy nou; nou lapo pe brile parey en four.

Ezekyel 14:15

Si mon anvoy bann bebet feros atraver pei e ki zot devor bann zabitan, devaste pei e ki personn pa kapab pase akoz sa bann zannimo sovaz,

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Ezekyel 5:17

Mon pou anvoy kont ou lafanmin ek zannimo sovaz ki pou touy ou bann zanfan; lepidemi, vyolans ek lager pou detri tou. Mwan, SENYER ki deklare.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Amos 9:3

Si zot al kasyet lo montanny Karmel, mon pou al rod zot e atrap zot. Si zot esey al kasyet dan fon lanmer, mon pou ordonn serpan lanmer pour mord zot.

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Habakouk 3:5

Devan li, en lepidemi pe avanse; deryer li, en lafyev i swiv dan son lepa.

Deterononm 28:22

SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 28:53

Pandan sa letan ki ou'n ganny anserkle, e dan sa leta detres ki lennmi pou met ou ladan, ou pou manz ou prop zanfan, laser ou bann garson ek ou bann fiy ki SENYER, ou Bondye in donn ou.