Deterononm 32:20 - Labib An Kreol Seselwa

²⁰ I ti dir: Mon pou deles zot. Mon pou gete sa ki zot pou devenir, akoz zot en zenerasyon dezenere, en bann zanfan san fidelite.

Deterononm 32:20 ပူးပေါင်းရင်းမြစ်များ

2 Rwa 17:18

Alor, SENYER ti tre ankoler kont Izrael e ti fer zot disparet devan li; ti reste zis tribi Zida.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

2 Rwa 17:23

ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.

2 Kronik 20:20

Zot ti lev granmaten pour al dan dezer Tekoa. Pandan ki zot ti pe ale, Zozafat ti debout. I ti dir: Ekout mwan, pep Zida ek zabitan Zerizalenm! Met tou zot konfyans dan SENYER zot Bondye e zot ava reste for. Fer konfyans dan bann profet e zot ava ranport laviktwar.

Liv Zob 13:24

Akoz ou kasyet ou figir avek mwan e ou konsider mwan koman ou lennmi?

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Zeremi 18:17

Parey divan ki sorti dan Les, e ki balye tou lo son pasaz, mon pou dispers zot devan son lennmi. Zour maler pou arive, mon pou tourn mon ledo avek zot; mon pa pou tourn ver zot.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Matye 17:17

Zezi ti reponn, “Zenerasyon move e san lafwa! Ziska kan mon bezwen reste avek zot? Ziska kan mon pou bezwen siport zot? Anmenn sa garson isi!”

Mark 9:19

Zezi ti dir zot, “Zot en zenerasyon san lafwa. Ziska kan mon bezwen reste ankor avek zot? Ki kantite letan mon pou la, pour siport zot? Anmenn sa garson kot mwan.”

Levanzil dapre Lik 18:8

Mon dir zot, i pou rann zot lazistis deswit. Me kan Fis-de-Lonm pou vini, eski i pou trouv lafwa lo later?”

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Deterononm 32:5

Zot in vin koronpi, zot ki ti ganny kree san defo, en zenerasyon dezenere e fourb.

Deterononm 9:23

Osi, SENYER ti fer zot kit Kades Barnea ler i ti dir zot: Monte, al pran posesyon sa pei ki mon pe al donn zot. Zot ti revolte kont lord SENYER, zot Bondye. Zot in refize fer li konfyans e zot in dezobei li.

2 Tesalonisyen 3:2

Priye pour ki Bondye i delivre nou avek sa bann move dimoun mesan. Annefe, pa tou dimoun ki krwar dan Bondye.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Zozye 23:10

En sel parmi zot ti fer taye mil, akoz se SENYER, zot Bondye ki ti pe konbat pour zot, parey i ti'n dir zot.