Deterononm 32:17 - Labib An Kreol Seselwa

¹⁷ Zot ti ofer sakrifis avek bann demon, pa anver Bondye, anver bann bondye ki zot pa'n zanmen konnen, anver bann bondye ki zot ti'n fek dekouver, ki zot bann zanset pa ti adore.

Deterononm 32:17 ပူးပေါင်းရင်းမြစ်များ

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Zeremi 44:3

Tousala in arive akoz bann zabitan ti provok mon lakoler par bann aksyon degoutan ki zot ti'n fer. Zot in al ofer sakrifis e ador lezot bondye ki ni zot zanset, ni zot menm, zot pa ti konnen.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Amos 5:25

Zabitan Izrael! Pandan 40 an ki zot ti dan dezer, mon pa'n zanmen demann zot okenn sakrifis ni lofrann.

1 Korentyen 8:4

Alor, pour sa ki konsern konsonmasyon lavyann ki'n ofer avek zidol, nou konnen ki zidol pa nanryen an realite. Nou konnen osi, ki i annan en sel vre Bondye.

Deterononm 13:8

Pa aksepte, ni ekout en tel dimoun. Pa montre okenn pitye, ni konpasyon, pa soutir li.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

1 Timote 4:1

Lespri i dir klerman: Dan dernyen tan, serten dimoun pou abandonn lafwa pour atas zot avek bann lespri tronper, e swiv bann lansennyman ki sorti kot bann demon.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

Ziz 5:8

Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.