Deterononm 31:3 - Labib An Kreol Seselwa

³ SENYER, ou Bondye ava li menm mars devan ou. I pou detri bann nasyon devan ou e ou ava pran posesyon zot pei. Zozye ava osi diriz ou, parey SENYER in promet.

Deterononm 31:3 ပူးပေါင်းရင်းမြစ်များ

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

Akt de Zapot 7:45

Sa Latant ti ganny transmet avek nou bann zanset ki ti vin apre. Plitar, zot ti anmenn li avek zot, kan avek Zozye, zot ti pran pei bann nasyon ki Bondye ti fer disparet devan zot. Sa Latant ti reste ziska lepok David,

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 3:28

Donn Zozye ou bann lord, ankouraz li, rann li for, akoz li menm ki pou diriz lepep e donn li patrimwann sa pei ki ou pou war.

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Deterononm 31:4

SENYER pou tret sa bann nasyon ek zot pep parey i ti fer avek Sihonn ek Og, sa de lerwa Amorit, ler i ti detri zot.

Deterononm 34:9

Zozye, garson Noun, ti ranpli avek lasazes. Annefe, Moiz ti'n poz son lanmen lo li. Bann Izraelit ti obei li e fer tou sa ki SENYER ti'n komande par lentermedyer Moiz.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Ebre 4:8

Annefe, si Zozye ti'n kondwir pep Izrael dan sa repo, Bondye pa ti ava'n koz plitar, lo en lot zour.

Zozye 1:2

I ti dir li, “Mon serviter Moiz in mor. Aprezan, leve, travers larivyer Zourden, ou avek tou sa pep e antre dan sa pei ki mon pe donn bann Izraelit.

Zozye 11:15

Sa ki SENYER ti'n ordonn Moiz son serviter, Moiz ti ordonn Zozye. Zozye ti fer li. I pa ti negliz nanryen ki SENYER ti'n ordonn Moiz.

Zozye 3:7

SENYER ti dir Zozye, “Ozordi mon pou konmans fer ou grandi devan pep Izrael antye. Konmsa, zot ava konnen ki mon pou avek ou parey mon ti avek Moiz.

Zozye 4:14

Sa ki SENYER ti fer sa zour, ti fer pep Izrael antye ganny gran respe pour Zozye, parey zot ti respekte Moiz toultan son lavi.