Deterononm 31:21 - Labib An Kreol Seselwa

²¹ Ler en kantite maler terib pou tonm lo zot, sa kantik ava servi koman en temwen pour akiz zot, akoz zot bann desandan pa pou zanmen oubliye. Annefe, avan menm ki mon anmenn zot dan sa pei ki mon'n promet zot par serman, mon konnen deza sa ki zot pe prepare pour fer.

Deterononm 31:21 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 139:2

Ou konnen ler mon asiz e ler mon leve. Ou konn tou mon lentansyon lontan avan.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Oze 5:3

Mon konn Efraim, e Izrael pa en sekre pour mwan. Efraim in tonm dan prostitisyon, e aprezan, Izrael antye in vin enpir.

Levitik 26:41

zot ava konpran ki mwan osi, mon'n opoz zot e anmenn zot dan pei zot bann lennmi. Si zot imilye zot e aksepte pinisyon pour zot pese,

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Akt de Zapot 4:28

Konmsa, zot in akonpli tou sa ki ou ti oule e deside davans.

Deterononm 30:18

la, ozordi, mon deklare, zot pou disparet. Zot pa pou viv lontan dan sa pei kot ou pe al antre pour pran posesyon lot kote larivyer Zourden.

Deterononm 31:7

Apre, Moiz ti apel Zozye. Devan pep Izrael, i ti dir li, “Reste for e pran kouraz, akoz ou ki pou al avek sa pep dan sa pei ki SENYER in fer serman avek zot bann zanset pour donn zot. Ou ki pou fer zot pran posesyon sa pei.

Deterononm 4:30

Plitar, kan ou pou dan detres, kan tou sa ki mon'n anonse ava'n arive, ou ava retourn ver SENYER, ou Bondye e ou ava son lavwa.