Deterononm 31:19 - Labib An Kreol Seselwa

¹⁹ Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.

Deterononm 31:19 ပူးပေါင်းရင်းမြစ်များ

2 Samyel 14:3

Ou ava al konmsa kot lerwa, e ou ava dir li sa ki mon dir ou.” Zoab ti dir li sa ki fodre dir.

Psonm 102:18

Ekri sa pour bann zenerasyon fitir e sa nouvo pep ava loue SENYER:

Egzod 4:15

Ou ava koz avek li e dir li sa ki i devre dir. Mwan, mon pou avek zot labous ler zot pou koze, e ansenny zot sa ki zot annan pour fer.

Ezai 51:16

Mon'n met mon bann parol dan ou labous e kasyet ou anba lonbraz mon lanmen; mon'n tal lesyel e met bann fondasyon later; mon'n dir avek Siyon: Ou menm mon pep.

Ezai 59:21

SENYER i deklare: Kanta mwan, la lalyans ki mon fer avek zot: Mon lespri ki lo ou, mon parol ki mon'n met dan ou labous, pa pou ganny tire ni dan ou labous, ni dan labous ou bann zanfan, ni ou desandan, ozordi e pour touzour. SENYER ki deklare.

Zeremi 1:9

Apre sa, SENYER ti avans son lanmen. I ti tous mon labous e i ti dir mwan: La parol ki mon met dan ou labous.

Ezekyel 2:5

Si zot ekoute oubyen zot refize ekoute, omwen, zot ava konnen ki i annan en profet parmi zot. Annefe, zot en pep rebel.

Matye 10:18

Akoz mwan, zot pou ganny anmennen devan bann gouverner ek bann lerwa. Zot ava mon temwen devan zot e devan bann non-Zwif.

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Deterononm 31:18

Sa zour, mon pou sirman detourn mon ledo avek zot, akoz tou sa bann move keksoz ki zot in fer depi ki zot in abandonn mwan e al ador lezot bondye.

Deterononm 31:26

Pran sa liv lalwa e met li dan Kof Lalyans SENYER, zot Bondye. I ava reste la koman en temwen kont ou.

Deterononm 31:30

Alor, Moiz ti repet bann parol sa kantik antye, devan tou lasanble bann Izraelit pour zot tande.

Deterononm 32:1

Lesyel! Ekout sa ki mon pe al dir. Later! Ekout byen parol ki sorti dan mon labous.

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

Zozye 24:27

Zozye ti dir lepep antye, “Sa ros ava en temwen kont nou, akoz in antann tou bann parol ki SENYER ti partaz avek nou; i pou vin en temwen kont zot, dan ka ki zot trai zot Bondye.”