Deterononm 31:17 - Labib An Kreol Seselwa

¹⁷ Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 31:17 ပူးပေါင်းရင်းမြစ်များ

1 Rwa 8:57

SENYER Bondye i avek nou parey in avek nou bann zanset; i pa pou zanmen kit nou ni abandonn nou.

2 Rwa 22:13

Al konsilte SENYER pour mwan, pour lepep, e pour Zida antye, konsernan parol ki dan sa liv ki zot in dekouver. SENYER in pran en gran lakoler kont nou, akoz nou bann zanset in dezobei parol sa liv; zot pa'n azir dapre tou sa ki'n ekri ladan.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 21:10

Depi sa letan, ziska ozordi, bann Edomit in touzour revolte. Dan sa menm lepok, Libna osi ti revolte kont dominasyon Yoranm, akoz i ti'n abandonn SENYER, Bondye son bann zanset.

2 Kronik 24:20

SENYER ti enspir Zakari, garson Yoyada, avek son lespri. Zakari ti debout devan lepep. I ti dir zot, “La sa ki Bondye i deklare: Zot in transgres komannman SENYER, zot pa kapab prospere. Akoz zot in abandonn SENYER, li osi in abandonn zot.”

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Liv Zob 13:24

Akoz ou kasyet ou figir avek mwan e ou konsider mwan koman ou lennmi?

Liv Zob 34:11

I rekonpans zonm dapre son bann aksyon. I tret zot dapre zot mannyer viv.

Psonm 104:29

Me ler ou vir ledo, zot per en kantite. Ler ou repran zot respirasyon, zot mor e zot retourn dan lapousyer.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 30:7

Dan ou labonte, SENYER, ou'n fer mwan solid parey en montanny; ou ti kasyet ou e mon ti per.

Psonm 44:10

Ou fer nou rekile devan lennmi e zot in depouy nou, mannyer zot oule.

Psonm 89:46

Ankor konbyen letan SENYER, ou pou kontinyen kasyet ou? Pour touzour? Konbyen letan ou lakoler pou kontinyen flanbe?

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Ezai 2:6

Desandan Zakob! Ou'n abandonn ou pep. Pei i ranpli avek mazik ek siperstisyon ki sorti dan Les, en kantite, parey kot bann Filisten; zot fer konpromi avek bann etranze.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 63:17

SENYER! Akoz ou'n les nou egare lwen avek ou semen? Ou'n andirsi nou leker pour fer nou rezet ou. Pour lanmour ou bann serviter, pour lanmour bann tribi ki ou posesyon: Retournen!

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Zeremi 23:33

SENYER ti dir mwan: Zeremi! Si mon pep oubyen en profet, oubyen en pret i demann ou: Ki mesaz sorti kot SENYER? Ki responsabilite i pe met lo nou? Ou ava reponn li: Ou menm ki en fardo pour SENYER! I pou rezet ou, SENYER i deklare.

Zeremi 23:39

Mon pou debaras mwan avek ou e avek sa lavil ki mon ti donn ou ek ou bann zanset.

Zeremi 33:5

Sa pou zis ranpli lavil avek en ta kadav sa bann dimoun ki mon pou detri dan mon gran lakoler. Bann zabitan Zerizalenm in komet en kantite move keksoz ki mon pa oule war.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 40:2

Nabouzeradann ti anmenn li akote. I ti dir li: SENYER ou Bondye ti'n predir sa maler kont Zerizalenm.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Ezekyel 39:29

Mon pou devers mon Lespri lo pep Izrael. Mon pa pou zanmen detourn mon vizaz ankor kont zot. Senyer BONDYE ki deklare.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Mise 3:4

Apre, zot pou kriy ver SENYER, me i pa pou reponn zot. I pou tourn son ledo avek zot dan sa moman, akoz zot bann move mannyer fer.

Nonm 14:42

Pa bezwen monte, akoz SENYER pa avek zot. Pa les zot ganny bate par zot bann lennmi.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Deterononm 30:18

la, ozordi, mon deklare, zot pou disparet. Zot pa pou viv lontan dan sa pei kot ou pe al antre pour pran posesyon lot kote larivyer Zourden.

Deterononm 30:19

Ozordi, mon pran lesyel ek later koman temwen kont ou: La mon met devan ou lavi ek lanmor, benediksyon ek malediksyon. Swazir lavi, pour ki ou viv, ou, avek ou bann desandan.

Deterononm 31:18

Sa zour, mon pou sirman detourn mon ledo avek zot, akoz tou sa bann move keksoz ki zot in fer depi ki zot in abandonn mwan e al ador lezot bondye.

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

Ziz 6:13

Zedeon ti dir li, “Eskiz mwan mon senyer. Si SENYER i avek nou, akoz tou sa ki'n ariv nou? Oli tou sa bann mervey ki nou zanset i rakont nou ler zot dir: Pa SENYER ki'n fer nou monte depi Lezip? Aprezan, SENYER in abandonn nou; in livre nou avek Madyann.”