Deterononm 30:8 - Labib An Kreol Seselwa

⁸ tandis ki ou, ou ava retourn ver SENYER; ou ava obei tou son bann komannman ki mon pe ordonn ou ozordi.

Deterononm 30:8 ပူးပေါင်းရင်းမြစ်များ

Proverb 16:1

Zonm i poz kestyon; me SENYER ki donn larepons.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Ezekyel 36:27

Mon pou met mon lespri dan zot pour ki zot obeir mon bann lalwa e met an pratik mon bann regleman.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Efezyen 2:16

Par son lanmor lo lakrwa, Kris i'n reini sa de pep pour form en sel lekor e in rekonsilye zot avek Bondye. Par lakrwa, in detri laenn.

Deterononm 30:2

si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

Deterononm 30:7

SENYER, ou Bondye ava anvoy tou sa bann malediksyon lo ou bann lennmi e lo bann ki'n fer ou soufer,

Deterononm 30:9

SENYER, ou Bondye ava fer ou prospere en kantite dan tou sa ki ou ava antreprann. Ou ava ganny en kantite zanfan; ou bann bef, mouton, kabri ava ogmante, ou later ava prodwir bon rekolt. Annefe, parey i ti kontan ou bann zanset, SENYER ava kontan ou e fer ou prospere,

Filipyen 2:13

Annefe, Bondye i travay dan zot. I donn zot lavolonte e i rann zot kapab pour akonpli tou, dapre son prop plan.