Deterononm 30:19 - Labib An Kreol Seselwa

¹⁹ Ozordi, mon pran lesyel ek later koman temwen kont ou: La mon met devan ou lavi ek lanmor, benediksyon ek malediksyon. Swazir lavi, pour ki ou viv, ou, avek ou bann desandan.

Deterononm 30:19 ပူးပေါင်းရင်းမြစ်များ

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Psonm 119:111

Ou bann lord i mon patrimwann pour touzour. Zot met lazwa dan mon leker.

Psonm 119:173

Met ou lanmen pare pour sekour mwan, akoz mon'n swazir ou bann direktiv.

Psonm 119:30

Mon'n swazir semen laverite; mon soumet mwan devan ou bann desizyon.

Proverb 1:29

Akoz zot ti deteste konnesans; akoz zot pa'n swazir pour obei SENYER;

Proverb 12:28

I annan lavi lo semen lazistis; sa enn ki swiv sa semen pa pou mor.

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Proverb 9:11

Annefe, gras a mwan, ou pou viv pli lontan; bann lannen ava ganny azoute avek ou lavi.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 56:4

La sa ki SENYER i deklare: Bann enik ki gard mon bann saba ki swazir pour fer mwan plezir e ki gard fidelman mon lalyans:

Zeremi 21:8

Ou ava dir sa pep: La sa ki SENYER i deklare: Mon pou les ou swazir ant semen lavi ek semen lanmor.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Zeremi 42:21

Aprezan, la mon donn zot repons. Me zot pa pe ekout sa ki SENYER i dir zot par mon lentermedyer.

Ezekyel 20:11

Mon ti donn zonm mon bann lalwa e fer zot konn mon bann regleman ki pou fer zot viv, si zot met li an pratik.

Levanzil dapre Lik 10:42

En sel keksoz i neseser. Mari in swazir sa meyer par ki personn pa pou ganny pran avek li.”

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Deterononm 11:26

Gete! Ozordi, mon pe met devan zot benediksyon ek malediksyon:

Deterononm 30:1

Kan tousala ava'n realize avek ou, bann benediksyon ek bann malediksyon ki mon'n met devan ou, ou ava reflesi la kot SENYER, ou Bondye in dispers ou parmi bann nasyon;

Deterononm 30:15

Gete! Ozordi, mon met devan ou lavi ek boner, lanmor ek maler.

Deterononm 30:16

La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 31:28

Rasanble devan mwan tou bann ansyen dan zot tribi ek zot bann sef, pour ki mon dir sa bann parol devan zot e mon pran lesyel ek later koman temwen kont zot.

Deterononm 32:1

Lesyel! Ekout sa ki mon pe al dir. Later! Ekout byen parol ki sorti dan mon labous.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:25

Ler ou ava'n etabli ou dan sa pei pour en pe letan ek zanfan ek pti zanfan, pa tonm dan pese pour fer bann stati dan nenport ki laform. Si ou fer sa ki mal devan SENYER, ou Bondye e provok son lakoler,

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

1 Timote 5:21

Nou demann ou solannelman devan Bondye, devan Zezi-Kri e devan tou bann lanz Bondye: Swiv sa bann regleman san okenn prezize e san fer preferans pour personn.