Deterononm 29:28 - Labib An Kreol Seselwa

²⁸ Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.

Deterononm 29:28 ပူးပေါင်းရင်းမြစ်များ

1 Rwa 14:15

SENYER pou frap Izrael. I pou parey en tiz ki balanse dan delo; i pou aras Izrael dan sa bon teritwar ki i'n donn son bann zanset, e i pou dispers li lo lot kote larivyer Efrat, akoz zot in provok lakoler SENYER avek bann ros sakre ki zot in fer.

2 Rwa 17:18

Alor, SENYER ti tre ankoler kont Izrael e ti fer zot disparet devan li; ti reste zis tribi Zida.

2 Rwa 17:23

ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

Esdras 9:7

Depi lepok nou bann zanset ziska ozordi, nou koupab e nou'n komet en gran fot. Akoz nou bann fot ki nou bann lerwa, nou bann pret, nou'n sibir dominasyon bann lerwa etranze, lager, deportasyon, piyaz, ek imilyasyon; rezon akoz nou konmsa ozordi.

Psonm 52:5

Alor, Bondye pou detri ou pour touzour; i pou sezi ou e trenn ou deor; i pou derasin ou lo later parmi bann vivan.

Psonm 78:2

Mon pou koz avek zot an parabol; mon pou eksplik zot bann proverb dan letan pase.

Proverb 2:22

Me bann malfeter pou ganny sase dan sa pei, bann tret ava ganny derasinen lo sa later.

Proverb 25:2

Nou onor Bondye pour gard keksoz sekre. Nou onor lerwa pour dekouver sa ki sekre.

Zeremi 42:10

Si zot kontinyen reste dan sa pei, alor mon ava rekonstri zot pep, mon pa pou detri li. Olye derasin zot, mon ava replant zot, akoz mon regret tou sa maler ki mon'n fer tonm lo zot.

Ezekyel 19:12

Me i ti ganny derasinen avek lakoler e ganny zet ater. Divan sorti dan Les ti fer li sek e son bann fri ti degrennen. Son bann brans byen for ti ganny detri par dife.

Ezekyel 19:13

Aprezan, i'n ganny transplante dan dezer, dan en later sek e san delo.

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 30:1

Kan tousala ava'n realize avek ou, bann benediksyon ek bann malediksyon ki mon'n met devan ou, ou ava reflesi la kot SENYER, ou Bondye in dispers ou parmi bann nasyon;

Deterononm 32:34

Sa en sekre ki mon'n kasyet, ki'n sele parmi mon bann trezor.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

Deterononm 6:24

Alor, SENYER ti ordonn nou pour obzerv tou sa bann regleman. Nou pou touzour ere, si nou annan respe pour SENYER, nou Bondye; i pou gard nou vivan parey i pe fer ozordi.

Deterononm 8:18

Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.