Deterononm 29:25 - Labib An Kreol Seselwa

²⁵ Zot ava reponn: Sa ti akoz zot ti'n abandonn lalyans ki SENYER, Bondye zot zanset ti fer avek zot, ler i ti tir zot Lezip.

Deterononm 29:25 ပူးပေါင်းရင်းမြစ်များ

1 Rwa 9:8

Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

1 Rwa 9:9

Alor, zot ava reponn: Akoz zot in abandonn SENYER, zot Bondye ki'n fer zot zanset sorti Lezip, me zot in servi e ador lezot bondye; pour sa rezon ki SENYER in fer tou sa bann maler tonm lo zot.

2 Rwa 17:15

Zot ti'n rezet son bann regleman, lalyans ki i ti'n fer avek zot bann zanset, ek bann avertisman ki i ti'n donn zot. Zot ti'n swiv bann lobze ki pa vo nanryen e zot menm zot in perdi zot valer. Zot ti swiv koutim bann nasyon otour zot, e ki SENYER Bondye ti'n defann zot imite.

2 Rwa 17:9

Pep Izrael ti'n fer an sekre, bann keksoz ki defann kont SENYER zot Bondye. Zot ti'n konstri bann landrwa sakre dan tou zot bann lavil, depi dan bann post obzervasyon, ziska bann lavil fortifye.

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Psonm 106:36

Zot ti ador zot bann zidol ki ti vin en latrap pour zot.

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

Ezai 65:11

Me sa bann ki ti abandonn SENYER, ki ti oubliy mon montanny sakre, ki ti dres en latab pour bondye lasans, e ti ofer bondye desten, lakoup en melanz diven,

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 22:8

En kantite nasyon etranze pou pas pre avek sa lavil. Zot pou demann avek kanmarad akoz SENYER in tret sa gran lavil konmsa?

Zeremi 22:9

Alor zot pou reponn: Akoz zot in abandonn lalyans ki zot in fer avek SENYER, zot Bondye; akoz zot in al ador e servi bann fo bondye.

Zeremi 31:32

I pa pou parey sa enn ki mon ti fer avek zot bann zanset, kan mon ti pran zot par lanmen, pour fer zot sorti Lezip. Zot pa'n respekte sa lalyans, menm si mon ti zot met, SENYER i deklare.

Zeremi 44:3

Tousala in arive akoz bann zabitan ti provok mon lakoler par bann aksyon degoutan ki zot ti'n fer. Zot in al ofer sakrifis e ador lezot bondye ki ni zot zanset, ni zot menm, zot pa ti konnen.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Deterononm 29:26

Zot ti vire e al servi lezot bondye e ador zot; bann bondye ki zot pa ti konnen e ki SENYER pa'n zanmen donn zot pour patrimwann.

Ebre 8:9

I pa pou parey sa lalyans ki mon ti fer avek zot zanset, zour ki mon ti atrap zot lanmen, e fer zot sorti dan pei Lezip. Akoz zot pa ti fidel anver mon lalyans, mon pa ti pran ka avek zot, Senyer i deklare.