Deterononm 29:22 - Labib An Kreol Seselwa

²² Bann zenerasyon fitir, zot bann zanfan ki ava vin apre zot, ek etranze ki sorti dan en pei lwen, kan zot ava war fleo dan sa pei ek bann maladi ki SENYER in tap li avek, zot ava dir:

Deterononm 29:22 ပူးပေါင်းရင်းမြစ်များ

Zenez 19:24

Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 20:16

I ava vin parey bann lavil ki SENYER ti detri san pitye. I ava antann plennyen bomaten e tronpet sonnen midi.

Zeremi 49:17

Edonm pou vin en ta debri; bann pasan pou soke e soufle avek degou ler zot ava war sa dega ki'n arive.

Zeremi 49:18

Sa katastrof pou parey Sodonm ek Gomor kan zot ti ganny detri avek bann lavil vwazen, SENYER i deklare. Personn pa pour vin reste la, personn pa pour vin etabli li dan sa landrwa.

Zeremi 50:13

Akoz gran lakoler SENYER, personn pa pou vin reste ankor dan Babilonn; i pou ganny konpletman devaste. Tou sa ki pas par la pou soke e ganny sezisman, akoz tou son bann boubou.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Ebre 6:8

Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.