Deterononm 29:18 - Labib An Kreol Seselwa

¹⁸ I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Deterononm 29:18 ပူးပေါင်းရင်းမြစ်များ

Psonm 10:13

Akoz bann malfeter pa antren Bondye? Akoz zot dir dan zot leker: Bondye pa pou demann mwan rann kont?

Psonm 69:21

Zot donn mwan pwazon pour manze. Ler mon ti swaf, zot ti donn mwan vineg pour bwar.

Zeremi 23:15

Alor, la sa ki SENYER liniver i deklare konsernan sa bann profet: Mon pou fer zot manz margoz anmer e bwar delo anpwazonnen. Akoz sa bann profet Zerizalenm, ki pei antye in ganny profannen.

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Zeremi 9:15

Alor, ekout byen sa ki mwan, SENYER liniver, Bondye Izrael, mon pou fer: Mon pou donn sa pep en plant anmer pour li manze e delo anpwazonnen pour li bwar.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Amos 6:12

Eski en seval i galope lo ros? Eski en dimoun i kiltiv lanmer avek son bef? Zot in sanz ladrwatir pour fer li vin en pwazon e fer lazistis vin en keksoz anmer.

Akt de Zapot 8:23

Mon war ki ou ranpli avek lanmertim e ki ou'n vin prizonnyen ou pese.”

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.

Deterononm 32:32

Zot boutir rezen i sorti dan en plan ki sorti Sodonm dan plantasyon rezen Gomor; zot rezen i bann rezen anpwazonnen, zot bann grap i anmer.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.