Deterononm 29:10 - Labib An Kreol Seselwa

¹⁰ Ozordi, zot tou, zot in rasanble devan SENYER, zot Bondye, dan prezans bann sef sak tribi, zot bann ansyen ek zot bann zofisye, tou bann zonm dan Izrael.

Deterononm 29:10 ပူးပေါင်းရင်းမြစ်များ

2 Kronik 20:13

Alor, tou bann zonm Zida ti debout devan SENYER avek zot fanm ek zot bann zanfan.

2 Kronik 23:16

Pret Yoyada ti etabli en lalyans ant lepep, lerwa ek li menm, pour ki zot vin pep SENYER.

Nehemi 10:28

Leres lepep: Pret, levit, portye, santer, serviter tanp, ek tou bann ki ti'n separe avek bann pep lezot pei, pour swiv lalwa Bondye, ensi ki zot fanm, zot bann garson, zot bann fiy, e tou bann ki ti kapab konpran,

Nehemi 8:2

Alor, premye zour, setyenm mwan, pret Esdras ti anmenn liv lalwa devan lasanble antye; tou dimoun: Zonm, fanm, avek tou sa bann ki ti kapab tande e konpran.

Nehemi 9:38

Akoz tousala, nou ti fer en lalyans ki nou ti met par ekri. Non nou bann sef, bann levit, ek bann pret, in ganny enskri lo sa dokiman ki ti ganny sele.

Deterononm 29:11

Zot bann zanfan, zot bann fanm, zot osi prezan. Dan zot kan i annan osi bann etranze, bann ki koup dibwa pour ou ek bann ki al sers delo pour ou.

Deterononm 29:9

Alor, met byen an pratik bann parol sa lalyans, pour zot reisi dan tou sa ki zot antreprann.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Zozye 8:35

Zozye ti lir tou bann parol ki Moiz ti'n ordonnen, devan bann fanm, bann fanmir antye, ek bann etranze ki ti pe viv parmi zot.

Zozye 9:21

Bann responsab ti dir, “Les zot viv.” Alor, zot ti al koup dibwa e sarye delo pour lakominote antye, parey bann responsab ti'n dir.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

Revelasyon 6:15

Alor, bann lerwa later, bann gran dimoun enportan, bann sef militer, bann ris, bann ki annan pouvwar, e tou dimoun, lesklav ek zonm lib, zot tou, zot ti al kasyet dan kavern ek bann kap ros dan montanny.

1 Samyel 3:21

Prezans SENYER ti kontinyen aparet dan silo. SENYER ti kominik avek Samyel dan Silo par son Parol.

1 Samyel 4:1

Pep Izrael antye ti antann parol Samyel. Pep Izrael ti al lager kont bann Filisten. Zot ti etabli zot kan pre Eben-Ezer, tandis ki bann Filisten ti fikse zot kan pre Afek.