Deterononm 28:68 - Labib An Kreol Seselwa

⁶⁸ SENYER ava fer ou retourn Lezip par bato. I pou fer ou pran sa semen ki mon ti promet ou pa pou revwar. Laba, ou ava vann ou lekor avek ou bann lennmi koman bann lesklav zonm koman fanm. Me personn pa pou oule aste ou.

Deterononm 28:68 ပူးပေါင်းရင်းမြစ်များ

Nehemi 5:8

Mon ti dir zot, “Nou'n fer tou nou posib pour reaste nou bann frer Zwif ki ti'n ganny vann koman lesklav avek lezot nasyon; aprezan, zot, zot pe vann zot bann frer avek nou, bann Zwif!” Zot ti napa nanryen pour dir. Zot ti reste trankil san dir en mo.

Ester 7:4

Annefe, nou'n ganny vann. Mwan avek mon pep, nou pou ganny detri, touye e eksterminen. Si nou ti'n ganny vann, zonm ek fanm, zis koman lesklav, mon ti ava'n reste trankil. Akoz i pa ti vo lapenn deranz lerwa pour en tel domaz.”

Egzod 13:17

Kan Faraon ti'n les pep Izrael ale, Bondye pa ti kondwir li dan direksyon pei Filisten, menm si sa larout ti pli direk. Annefe, Bondye ti mazinen ki si lepep i devre fer fas avek lager, i ava kapab regrete e deside retourn Lezip.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Zeremi 43:7

Donk, zot ti refize obei lord SENYER e zot ti al Lezip. Zot ti ariv Tafanes.

Zeremi 44:12

Tou restan lepep ki ankor vivan dan Zida ki'n deside refizye Lezip, pou ganny detri laba. Zot tou, gran koman pti, zot pou mor Lezip swa par lager, swa par lafanmin. Zot pou antre dan proverb pour donn malediksyon e pour ensilte dimoun.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Levanzil dapre Lik 12:45

Me si sa serviter i dir dan li menm: Mon met i pran lontan pour li retournen; e si i konmans bat lezot serviter ek servant, manze e bwar ziska i sou,

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 17:16

Me fodre pa ki i posed bokou seval; ni fer lepep retourn Lezip pour li aste plis seval. Annefe, SENYER in dir ou: Ou pa pou zanmen retourn dan sa pei ankor.

Deterononm 28:67

Akoz sa lafreyer ki ou leker pou resanti e akoz sa ki ou lizye pou war, bomaten ou pou dir: Si selman aswar ti'n fer! Aswar ou pou dir: Si selman lizour ti'n fer!

Deterononm 29:1

La bann parol lalyans ki SENYER ti ordonn Moiz pour fer avek bann Izraelit dan pei Moab. Sa i an plis ki sa lalyans ki i ti fer avek zot lo montanny Horeb.