Deterononm 28:49 - Labib An Kreol Seselwa

⁴⁹ SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Deterononm 28:49 ပူးပေါင်းရင်းမြစ်များ

Zenez 11:7

Annou desann e brouy zot langaz pour zot pa konpran kanmarad.

Psonm 81:5

Sa i en regleman pour desandan Zozef, kan i ti al lager kont Lezip. Mon antann en lavwa ki mon pa konnen,

Proverb 30:19

Latras leg dan lesyel, latras serpan lo en ros, latras bato dan milye lanmer e latras zonm kot en zenn fiy.

Ezai 33:19

Ou pou nepli war bann arogan, sa pep ki koz en lalang ki ou pa kapab sezi, ki koz dan en lalang ki ou pa kapab konpran.

Ezai 39:3

Profet Ezai ti al kot lerwa Ezekyas. I ti dir li, “Ki sa bann zonm in dir? Kote zot sorti?” Ezekyas ti reponn, “Zot sorti dan en pei lwen, Babilonn, pour zot vin war mwan.”

Ezai 7:18

Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 48:40

La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Lamantasyon 4:19

Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Ezekyel 11:9

Mon pou sas ou dan Zerizalenm e livre ou dan lanmen bann etranze. Mon pou egzekit mon bann zizman kont ou.

Ezekyel 17:12

Demann sa bann rebel si zot konnen ki savedir sa parabol. Dir zot lerwa Babilonn ti al Zerizalenm kot i ti pran prizonnyen son lerwa ek bann sef pour anmenn zot avek li Babilonn.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Ezekyel 3:6

Si mon ti anvoy ou kot en pep avek en gran popilasyon, ki koz en langaz etranze ki difisil pour konpran, zot ti ava ekout ou.

Danyel 7:4

Premye bebet ti parey en lyon. I ti annan lezel leg. Pandan ki mon ti pe gete, i ti ganny arase son bann lezel. I ti ganny leve par lao later e i ti debout lo son de lapat deryer parey en imen, e i ti ganny en lespri imen.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Nonm 24:24

Bann anvaiser pour sorti Sip. Zot pou imilye bann Asiriyen ek fanmir Heber. Li osi pou ganny detri pour touzour.

Matye 24:28

La kot i annan kadav, bann korbo pou rasanble.”

1 Korentyen 14:21

La sa ki Lekritir i deklare: Mon pou koz avek sa pep, par bann zonm ki koz en lot lalang, e par labous bann etranze. Malgre sa, mon pep pa pou ekout mwan, Senyer i deklare.