Deterononm 28:27 - Labib An Kreol Seselwa

²⁷ SENYER pou anvoy lo ou, bann ilser parey Lezip: Labse, lagal, ek lagratel ki pa pou geri.

Deterononm 28:27 ပူးပေါင်းရင်းမြစ်များ

Psonm 78:66

I ti atak son bann lennmi ki ti pe sove. I ti fer zot tonm dan laont pour touzour.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 9:10

Alor, zot ti pran lasann dan four e prezant zot devan Faraon; Moiz ti anvoy sa lasann dan lezer e bann boubou enfekte ti leve lo dimoun e lo bann zannimo.

Egzod 9:11

Bann mazisyen ti nepli kapab debout devan Moiz, akoz bann boubou. Annefe, sa bann boubou pa ti zis lo bann mazisyen, me osi partou lo lezot Ezipsyen.

Egzod 9:9

Lasann pou vin lapousyer ki pou kouver Lezip; i pou anmenn boubou enfekte lo dimoun e lo zannimo dan Lezip antye.

Ezai 3:17

SENYER pou kouver latet bann fiy Zerizalenm avek lagal e met zot fron deor.

Levitik 21:20

ni enn ki bosi, ni en pti nen, ni en zonm ki annan en tas dan lizye, oubyen lagal, dart, oubyen testikil kraze.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Deterononm 28:28

SENYER pou fer ou vin fou, aveg e ou pou derezonnen.

Deterononm 28:35

SENYER pou fer ou zenou ek ou lazanm kouver avek boubou enkirab. Zot pou fannen depi ou lipye, ziska ou latet.

Deterononm 7:15

SENYER pour fer disparet tou kalite maladi parmi zot. I pa pou anvoy ou tou bann lepidemi ki ou ti byen konnen ler ou ti Lezip. Me i ava anvoy sa bann maladi lo tou bann dimoun ki ay ou.

1 Samyel 5:12

Bann ki pa ti mor ti'n ganny bann boubou e zot demann pour sekour ti monte ziska lesyel.

1 Samyel 5:6

Lanmen SENYER ti pini zabitan Asdod; i ti montre son pwisans par bann katastrof e bann boubou ki i ti anvoy lo zot.

1 Samyel 5:9

Me, de ki Kof Bondye ti'n ariv Gat, lanmen SENYER ti tap lavil. En gran lafreyer ti tonm lo bann zabitan, pli pti ziska pli gran; zot ti ganny en kantite boubou.