Deterononm 28:24 - Labib An Kreol Seselwa

²⁴ Olye lapli lo ou later, SENYER pou fer tonm lapousyer. Zis lapousyer ki pou tonm lo ou depi lesyel, ziska ki ou ava ganny detri.

Deterononm 28:24 ပူးပေါင်းရင်းမြစ်များ

Zenez 19:24

Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Amos 4:11

Mon'n detri serten parmi zot, parey mon ti detri Sodonm ek Gomor. Bann ki'n sape, ti parey en tizon ki'n ganny tire dan dife. Malgre sa, zot pa'n retourn ver mwan. SENYER ki'n deklare.

Agze 1:10

Pour sa rezon, lesyel pa'n donn zot son laroze e later pa'n prodwi son fri.

Deterononm 11:17

Alor, zot pou fer lakoler SENYER monte kont zot. I ava ferm lesyel e okenn lapli pa pou tonbe. Pei pou nepli prodwir okenn rekolt e zot ava disparet rapidman dan sa bon pei ki SENYER pe al donn zot.

Deterononm 28:12

SENYER ava ouver son trezor dan lesyel pour ou. Dan son sezon, i ava donn ou later lapli e i ava beni tou sa ki ou ava antreprann. Ou ava pret larzan bokou nasyon, me ou pa pou zanmen demann prete.

Deterononm 28:23

Lesyel lo ou latet ava parey en twa an bronz e later anba ou lipye ava vin dir parey feray.