Deterononm 28:15 - Labib An Kreol Seselwa

¹⁵ Me si ou pa obei SENYER, ou Bondye, si ou pa byen obzerv tou son bann komannman ek regleman ki mon pe ordonn ou ozordi, alor, la bann malediksyon ki pou ariv ou e tonm lo ou:

Deterononm 28:15 ပူးပေါင်းရင်းမြစ်များ

Zenez 3:14

Alor, SENYER Bondye ti dir avek serpan: Akoz ou'n fer sa, ou pou ganny modi parmi tou bann zannimo. Ou pou ranpe lo later. Ou pou manz lapousyer tou le zour ou lavi.

Zenez 4:11

Dezormen, ou anba malediksyon, ou pou ganny sase lo later ki'n ouver labous pour resevwar disan ou frer ki ou'n touye avek ou lanmen.

Zenez 4:12

Akoz sa, ou pou kiltiv later, me i pa pou prodwir nanryen. Ou pou vin eran e vagabon lo later.”

2 Kronik 12:5

Alor, profet Semaya ti al war Roboanm ek bann sef dan rwayonm Zida. Anmezir ki Sisak ti pe aprose, zot tou, zot ti rasanble dan Zerizalenm. I ti dir zot, “La sa ki SENYER i deklare: Parey zot in abandonn mwan, mwan osi mon'n abandonn zot dan lanmen Sisak.”

2 Kronik 34:24

La sa ki SENYER i deklare: Mon pe anvoy maler lo Zerizalenm ek son zabitan. Mon pou fer realize tou sa bann malediksyon ki'n ekri dan sa liv e ki'n ganny lir devan lerwa Zida.

2 Kronik 7:19

Me si ou tourn ou ledo avek mwan, e si ou abandonn mon bann regleman ek mon bann komannman ki mon'n plas devan zot, pour zot al servi lezot bondye e ador zot,

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.

Zeremi 11:8

Me zot pa'n ekoute, zot pa'n obei. Zot in persiste dan zot move mannyer. Alor, mon'n bezwen met an laplikasyon tou bann lartik sa lalyans ki zot pa'n respekte, malgre lord ki mon ti'n donn zot.

Zeremi 26:4

Ou ava dir zot: Si ou pa obei mon lalwa ki mon met devan ou; si ou pa swiv sa ki mon'n aprann ou,

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 36:31

Mon pou pini li, son bann desandan ek son bann sef pour bann pese ki zot tou zot in komet. Personn parmi zabitan Zerizalenm oubyen Zida in ekout mon bann avertisman. Alor, mon pou anmenn lo zot, tou sa bann maler ki mon ti menas zot avek.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 40:2

Nabouzeradann ti anmenn li akote. I ti dir li: SENYER ou Bondye ti'n predir sa maler kont Zerizalenm.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Oze 7:12

Letan zot pe ale, mon zet en latrap lo zot; mon fer zot tonbe parey zwazo; mon pou koriz zot pour krim ki zot in fer.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Deterononm 11:28

malediksyon si zot dezobei bann komannman SENYER, zot Bondye e pa swiv semen ki mon pe donn zot ozordi, e al swiv lezot bondye ki zot pa'n konnen.

Deterononm 28:2

Si ou obei SENYER, ou Bondye, ou ava ganny tou sa bann benediksyon:

Deterononm 28:45

Tou sa bann malediksyon pou tonm lo ou. Zot pou tonm lo ou ziska ou ganny detri, akoz ou pa'n obei SENYER, ou Bondye an gardan bann komannman ek bann lalwa ki i'n ordonn ou.

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Zozye 23:15

Parey tou bann bon parol ki SENYER, zot Bondye ti dir zot in realize lo zot, osi SENYER pou realiz lo zot, tou bann malediksyon, ziska ki i'n detri zot, e ki i'n fer zot disparet lo sa bon later ki SENYER, zot Bondye in donn zot.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Ziz 2:15

Parey SENYER ti'n dir, e par en serman, sak fwa zot ti sorti pour fer lager, lanmen SENYER ti kont zot ti tonm dan maler. Alor, zot ti dan en gran detres.

1 Samyel 4:10

Bann Filisten ti lager e bat pep Izrael ki ti sov dan zot latant. Zot ti ganny en gro bate: 30,000 zonm apye dan Izrael ti mor.