Deterononm 26:14 - Labib An Kreol Seselwa

¹⁴ Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.

Deterononm 26:14 ပူးပေါင်းရင်းမြစ်များ

Psonm 106:28

Apre, zot ti al atas zot avek Baal e manz bann sakrifis ki ti ganny ofer pour dimoun mor.

Psonm 18:22

Mon'n gard tou son bann lalwa. Mon pa'n dezobei son bann regleman.

Zeremi 16:7

Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Ezekyel 24:17

Pa les tande ou soupir, pa les war siny dey. Atas ou tirban e met ou sandal. Pa kouver ou moustas e pa manz sa ki dimoun an dey i manze.

Oze 9:4

I pa pou vers lofrann diven devan SENYER; zot sakrifis pa pou fer li plezir. I pou koman en dipen dey, tou sa ki manze pou vin enpir; sa dipen pou zis pour zot vant; i pa pou antre dan tanp SENYER.

Levitik 21:1

SENYER ti koz avek Moiz: Dir avek bann pret, zanfan Aaron. Dir zot: En pret pa kapab rann li enpir akoz en lanmor dan son fanmir,

Levitik 21:11

I pa pou al kot i annan en lekor mor; i pa pou rann li enpir, ni akoz son papa, ni akoz son manman.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 15:5

Me fodre ki ou obei SENYER, ou Bondye e obzerv tou son bann komannman ki mon pe donn ou ozordi.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 26:13

Alor, ou ava dir devan SENYER, ou Bondye: Anreg avek tou ou bann komannman ki ou ti ordonn mwan, mon'n pran tou sa par konsakre ki ti kot mwan e mon'n donn bann Levit, bann etranze ki reste isi, bann orfelen, bann vev. Mon pa'n ni dezobei, ni oubliy en sel ou bann komannman.

Deterononm 26:15

Depi ou demer ki sen, depi lesyel, regarde e beni Izrael ou pep ek later ki ou'n donn nou, parey ou ti fer serman avek nou bann zanset, sa pei kot dile ek dimyel i koule.