Deterononm 25:19 - Labib An Kreol Seselwa

¹⁹ Alor, Kan SENYER, ou Bondye ava'n asir ou sekirite kont tou ou bann lennmi dan pei ki SENYER, ou Bondye pou donn ou pour patrimwann, ou ava detri tou bann Amalesit anba lesyel, e ki personn pa rapel zot ankor.

Deterononm 25:19 ပူးပေါင်းရင်းမြစ်များ

1 Kronik 4:43

Zot ti detri leres bann Amalesit ki ti'n sove; zot reste la, ziska ozordi.

Ester 3:1

En pe letan apre sa bann levennman, lerwa Zerzes ti donn promosyon Haman, garson Hamedata, en Agagit: I ti donn li en pozisyon par lao tou bann o zofisye dan son ran.

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Egzod 17:14

SENYER ti dir Moiz, “Ekri sa koman en souvenir e fer Zozye konnen ki mon pou fer disparet bann Amalesit konpletman anba lesyel.”

Egzod 17:16

I ti dir, “Akoz en lanmen in leve kont tronn SENYER, SENYER pou touzour fer lager kont bann Amalesit.”

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Deterononm 12:9

Annefe, zot pa ankor ariv dan sa landrwa repo e dan patrimwann ki SENYER, zot Bondye pou donn zot.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 26:1

Kan ou ava'n ariv dan pei ki SENYER, ou Bondye pou donn ou pour patrimwann; kan ou ava'n pran posesyon sa pei e enstal ou,

Deterononm 3:18

Dan sa letan, mon ti donn zot sa lord: SENYER, zot Bondye in donn zot sa pei pour zot pran posesyon. Tou bann gerye ava pran zot zarm, e travers devan zot bann frer Izraelit.

Deterononm 9:14

Les mwan detri zot e fer zot disparet anba lesyel. Mon pou fer ou vin en nasyon pli pwisan e pli nonbre ki sa pep.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 23:1

Lontan apre, SENYER ti'n akord pep Izrael lape kont zot bann lennmi otour zot, Zozye ti'n vye; i ti'n ganny en bon laz.

Zozye 6:3

Zot tou bann gerye, zot ava fer letour lavil; zot ava fer letour lavil en fwa par zour pandan sis zour.

Zozye 7:12

Pour sa rezon, Izrael pou nepli kapab fer fas avek son bann lennmi. Zot pou taye devan zot lennmi, akoz zot osi, zot pou ganny detri! Mon pou nepli avek zot, si zot pa fer disparet parmi zot, sa bann lobze ki ti devre ganny detri.

1 Samyel 14:48

I ti lager avek kouraz, bat Amalek, e delivre Izrael kont bann ki ti pe depouy zot.

1 Samyel 27:8

David ek son bann zonm ti monte e al atak bann Gesourit, bann Girzit ek bann Amalesit, ki depi toultan ti reste dan sa rezyon, ant Sour ek Lezip.