Deterononm 24:19 - Labib An Kreol Seselwa

¹⁹ Kan ou fer larekolt e ki ou oubliye anmas en pake zepi, ou pa pou retournen pour al sers sa bann zepi. Zot ava reste pour sa etranze, sa orfelen ek sa vev. Konmsa, SENYER, ou Bondye ava beni ou dan tou sa ki ou ava antreprann.

Deterononm 24:19 ပူးပေါင်းရင်းမြစ်များ

Liv Zob 42:12

Dan bann lannen apre, SENYER ti beni Zob ankor plis ki avan. I ti posed 14,000 mouton, 6,000 samo, 2,000 bef, 1,000 femel bourik.

Psonm 112:9

Zot in donn avek bonker; zot in donn bann pov. Zot lazistis i reste pour touzour Zot lafors i ogmante avek loner.

Proverb 14:21

Sa enn ki mepriz son prosen i komet en pese; Byennere sa enn ki bon anver en pov.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Ezai 32:8

Me dimoun onnet i annan lentansyon nob; son aksyon i drwat.

Levitik 23:22

Kan zot ava fer rekolt lo zot later, zot pa pou koup bann zepi ki'n pous lo balizaz, ni ranmas sa ki reste apre rekolt. Zot ava les sa pour bann pov ek bann etranze. Mwan menm SENYER zot Bondye.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Levanzil dapre Lik 6:38

Donnen e ou osi, ou ava gannyen. Zot ava vid dan ou sak en bon mezir, byen ranpli, foule e deborde. Menm mezir ki ou servi avek lezot, pou ganny servi avek ou.”

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 15:10

Pret li avek granker san okenn regre, akoz pour sa, SENYER, ou Bondye ava beni ou dan tou ou travay e dan tou sa ki ou ava antreprann.

Deterononm 24:18

Pa oubliye ki ou ti en lesklav Lezip e SENYER, ou Bondye ti delivre ou. Pour sa rezon, mon ordonn ou pour met sa komannman an pratik.

Deterononm 26:13

Alor, ou ava dir devan SENYER, ou Bondye: Anreg avek tou ou bann komannman ki ou ti ordonn mwan, mon'n pran tou sa par konsakre ki ti kot mwan e mon'n donn bann Levit, bann etranze ki reste isi, bann orfelen, bann vev. Mon pa'n ni dezobei, ni oubliy en sel ou bann komannman.

Rit 2:16

Apre, tir osi detrwa zepi mai dan pake, e zet ater pour li ranmase, e fer sir ki zot pa fer li okenn remark.”

Rit 2:2

Rit, sa Moabit, ti dir avek Naomi, “Les mwan al dan plantasyon e mon ava ranmas bann zepi mai deryer en travayer ki ava dakor pour fer mwan sa faver.” Naomi ti reponn li, “Ale, mon fiy.”