Deterononm 24:17 - Labib An Kreol Seselwa

¹⁷ Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 24:17 ပူးပေါင်းရင်းမြစ်များ

Liv Zob 22:6

San rezon, ou'n pran byen ou bann frer angaz; ou'n pran zot lenz e kit zot touni.

Liv Zob 24:3

Zot pran bourik bann orfelen. Zot pran bef en vev an garanti.

Egzod 22:20

Sa enn ki ofer sakrifis en lot bondye apard mwan, SENYER, ava ganny detri konpletman.

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:6

Ou pa pou priv en pov son drwa dan en zafer.

Egzod 23:9

Ou pa pou maltret en etranze ki reste parmi zot; zot menm, zot konn lavi en etranze. Zot osi, zot ti bann etranze Lezip.

Proverb 31:5

Ler zot in bwar, zot oubliye sa ki lalwa i dir e zot trai drwa bann pov.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 3:15

Senyer BONDYE liniver i deklare: Akoz ou kraz mon pep? Akoz ou fer vyolans avek bann pov?

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Ezekyel 22:29

Partou dan pei, dimoun in servi lafors ek vyolans. Zot in vole e profit lo malere; zot in eksplwat bann etranze san respekte bann drwa.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Levitik 19:33

Pa eksplwat en etranze ki vin reste dan ou pei.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Zakari 7:10

Pa eksplwat bann vev, bann orfelen, bann etranze oubyen bann pov. Pa mazin fer ditor kanmarad.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Levanzil dapre Lik 3:14

Bann solda ti osi demann li, “E nou, ki nou devre fer?” Zan ti dir zot, “Pa servi vyolans, oubyen fo lakizasyon; kontant zot avek zot lapey.”

Deterononm 1:17

Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 24:13

Ou ava rann li sa lobze ler soley i kouse. Konmsa i ava kapab dormi dan son lenz e i ava beni ou. Sa i ava en bonn aksyon devan SENYER, ou Bondye.

Deterononm 24:18

Pa oubliye ki ou ti en lesklav Lezip e SENYER, ou Bondye ti delivre ou. Pour sa rezon, mon ordonn ou pour met sa komannman an pratik.

Deterononm 24:6

Personn pa pou pran angaz ros ki servi pour kraz legren pour fer lafarin, ni menm sa ros ki lo la. Sa enn ki fer sa ava pe pran angaz lavi sa dimoun.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?