Deterononm 24:16 - Labib An Kreol Seselwa

¹⁶ Bann paran pa pou ganny touye dan plas zot zanfan, ni zanfan dan plas zot paran. En dimoun ava ganny touye zis pour son prop krim ki i'n komet.

Deterononm 24:16 ပူးပေါင်းရင်းမြစ်များ

2 Kronik 25:4

Me i pa ti touy zot bann zanfan, par respe pour lalwa ki SENYER in ordonnen dan liv Moiz: Bann paran pa pou mor pour pese zot zanfan, ni zanfan pour pese zot paran. Sakenn pou mor pour son prop pese.

Ezekyel 18:20

Sa enn ki'n fer pese, se li menm ki pou mor. En garson pa pou ganny pini akoz fot son papa, ni en papa akoz fot son garson. En dimoun ki azir byen pou ganny rekonpanse pour azir dapre lazistis; sa enn ki move pou ganny pini pour tou bann mal ki i'n fer.

Ezekyel 18:4

Annefe, lavi sak dimoun i pour mwan; lavi bann paran koman lavi bann zanfan. Sa enn ki'n fer pese, se li menm ki pou mor.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Nonm 26:11

Me bann zanfan Kore pa ti mor.

1 Samyel 22:16

Lerwa ti dir, “Ahimelek! Ou pou mor, ou, ek tou ou fanmir.”