Deterononm 24:15 - Labib An Kreol Seselwa

¹⁵ Ou ava pey li son saler tou le zour avan soley kouse, akoz i pov e i bezwen sa larzan pour viv. Si i kriy kont ou ver SENYER, ou ava pe komet en pese.

Deterononm 24:15 ပူးပေါင်းရင်းမြစ်များ

Liv Zob 31:13

Si mon ti rezet drwa mon bann travayer ler zot ti met en konplent kont mwan,

Liv Zob 31:38

Si mon later i kriy kont mwan; si bann transe in plere kont mwan;

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Liv Zob 35:9

Dimoun i kriye akoz sa kantite soufrans lo zot. Zot demann led akoz vyolans bann diktater.

Liv Zob 7:2

Parey en lesklav ki rod lonbraz; parey en labourer ki pe esper son lapey.

Psonm 24:4

Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Psonm 25:1

SENYER! Mon vin kot ou.

Psonm 86:4

Fer kontan leker ou serviter, akoz mon lev mon leker ver ou SENYER.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Zeremi 22:13

Maler lo sa dimoun ki fer son lakaz lo depan lazistis, e ki met letaz lo lenzistis; ki fer dimoun travay pour nanryen, ki pa pey son bann travayer.

Levitik 19:13

Ou pa pou eksplwat ou prosen; ou pa devre vol li. Pa gard ziska lannmen bomaten lapey en zournalye.

Levitik 25:35

Si ou frer i tonm dan lanmizer e i pa kapab pey son det, ou ava siport li, menm si en etranze oubyen en viziter, pour ki i ava kapab viv kot ou.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 20:8

Ler fernwanr ti pe fer, sa propriyeter ti dir son konmander, “Apel tou bann travayer e pey zot pour zot lazournen travay. Konmans avek sa bann ki ti vin dernyen e fini avek sa ki ti vin premye.”

Mark 10:19

Ou konn bann komannman: Pa fer krim, pa komet adilter, pa vole, pa donn fo temwannyaz, pa fer ditor personn, annan respe pour ou papa ek ou manman.”

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

1 Timote 5:18

Annefe, Lekritir i deklare: Pa met bayon lo mizo en be ki pe kraz legren. E ankor: En travayer i merit son saler.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.