Deterononm 22:21 - Labib An Kreol Seselwa

²¹ sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Deterononm 22:21 ပူးပေါင်းရင်းမြစ်များ

Zenez 34:7

Bann garson Zakob ti arive e zot ti tre ankoler, akoz Sikenm ti'n komet en aksyon degoutan dan Izrael, ler i ti dormi avek fiy Zakob. En tel keksoz pa devre zanmen ganny komet.

Zenez 38:24

Anviron trwa mwan plitar, Zida ti ganny dir, “Tamar ou belfiy, in vin en prostitye e i ansent.” Zida ti dir, “Anmenn li isi e i ava ganny brile.”

Levitik 19:29

Pa detri loner ou fiy e fer li vin en prostitye. Sinon, pei antye ava vin prostitye e ranpli avek limoralite.

Levitik 20:2

Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Levitik 21:9

Ler fiy en pret i dezonor li dan prostitisyon, i pe dezonor son papa. I ava ganny brile vivan.

Levitik 24:16

Sa enn ki blasfenm non SENYER ava ganny touye; kominote ava touy li. Etranze koman sitwayen ki blasfenm non SENYER ava ganny touye.

Levitik 24:23

Moiz ti transmet sa bann lalwa avek pep Izrael. Zot ti anmenn sa zonm ki ti blasfenmen an deor kan kot zot ti saboul li avek ros e touy li parey SENYER ti'n ordonn Moiz.

1 Korentyen 5:13

Annefe, Lekritir i deklare: Sas parmi zot, bann ki komet lemal.

Deterononm 13:10

Saboul li ziska ki i mor, akoz in esey antrenn ou lwen avek SENYER, ou Bondye ki ti tir ou dan pei Lezip e dan lesklavaz.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 17:5

ou ava konvok sa zonm oubyen sa fanm ki'n komet sa krim devan laport lavil. La, sa zonm oubyen sa fanm ava ganny saboule avek ros ziska i mor.

Deterononm 17:7

Bann temwen ava premye ki pou lev lanmen pour egzekit kondannasyon anmor. Apre, tou lepep ava lev zot lanmen. Konmsa, ou ava fer disparet sa ki mal otour ou.

Deterononm 19:19

ou ava tret li parey i ti anvi tret son prosen. Konmsa ki ou ava fer disparet lemal parmi zot.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

Deterononm 22:22

Si en zonm i ganny atrape pe dormi avek fanm en lot zonm, tou le de ava ganny touye: Sa zonm ki'n dormi avek sa fanm, e sa fanm osi. Konmsa, ou ava fer disparet lemal dan Izrael.

Deterononm 22:24

ou ava anmenn tou le de devan laport sa lavil e saboul zot anmor avek ros: Sa zenn fiy, akoz i pa ti apel osekour dan lavil e sa zonm, akoz in dezonor fanm son prosen. Konmsa ou ava fer disparet lemal kot ou.

Ziz 19:23

Met sa lakaz ti sorti. I ti dir zot, “Non mon bann frer; mon demann zot pa fer sa move aksyon. Sa zonm in antre kot mwan, pa fer en tel aksyon imoral.

Ziz 20:10

Dan tou bann tribi Izrael, nou ava pran 10 zonm lo 100, 100 lo 1,000 e 1,000 lo 10,000. Zot ava al rod bann provizyon pour bann zonm pour ki ler zot retournen, nou ava al atak Givea dan teritwar Benzamen e pini li dapre sa aksyon degoutan ki son bann zabitan in komet dan Izrael.”

Ziz 20:5

Bann sef lavil Gibea ti leve kont mwan; e dan lannwit, zot ti antour lakaz kot mon ti ete. Zot ti annan lentansyon touy mwan, me zot ti abiz mon menazer e in mor akoz sa.

Ziz 20:6

Mon ti pran mon menazer; mon ti dekoup li an morso ki mon ti anvoy partou dan tou teritwar ki form patrimwann Izrael. Annefe, zot ti'n komet en akt imoral, en aksyon degoutan dan Izrael.