Deterononm 21:20 - Labib An Kreol Seselwa

²⁰ Zot ava dir bann ansyen sa lavil: Nou garson i dezobeisan e rebel. I pa oule ekout nou. I en vwayou e en soular.

Deterononm 21:20 ပူးပေါင်းရင်းမြစ်များ

2 Samyel 18:17

Zot ti pran lekor Absalon, e zet li dan en gran trou dan milye lafore, e zot ti met en gro ta ros lo li. Tou bann solda Izrael ti sov se zot.

Proverb 19:26

En zanfan ki vyolan anver son papa e ki rezet son manman, i en laont e en dezoner.

Proverb 20:1

Diven i rann ensolan e labwason for i rann azite; sa enn ki les lalkol soul li, pa kapab vin saz.

Proverb 29:17

Koriz ou zanfan e ou ava anpe; i ava donn ou bokou lazwa.

Deterononm 21:19

alor, son papa ek son manman ava pran li e anmenn li kot bann ansyen, devan laport son lavil.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.