Deterononm 19:13 - Labib An Kreol Seselwa

¹³ Pa montre okenn pitye. Konmsa, ou ava anpes disan inosan koule dan Izrael, e viv ere.

Deterononm 19:13 ပူးပေါင်းရင်းမြစ်များ

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

2 Samyel 14:7

Alor, tou mon fanmir ti dres kont mwan. Zot ti dir: Donn nou sa enn ki'n touy son frer. Nou pou touy li pour vanz son frer ki i'n touye. Nou ava osi fer disparet son bann zeritye. Zot oule alor detri sa pti labrez lespwar ki reste mwan, e fer disparet desandans ki port non mon mari lo later.”

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

2 Samyel 21:14

Bann lezo Sail ek Zonatan son garson ti ganny antere Sela, dan pei Benzamen, dan tonbo Kis, papa Sail; tou sa ki lerwa ti'n ordonnen ti ganny fer. Apre sa, Bondye ti montre son bonte anver pei.

1 Rwa 2:31

Lerwa ti dir, “Bon, fer parey i'n dir ou: Touy li e anter li. Konmsa, lafanmir mon papa ek mwan menm ava debarase avek responsabilite disan bann zonm ki Zoab in touye san rezon.

Ezekyel 16:5

Personn pa ti pran pitye pour ou; personn pa ti fer nanryen pour montre konpasyon pour ou. Me ou ti ganny zete deor dan laplenn, akoz kan ou ti ne, zot ti annan degou pour ou.

Levitik 24:17

En dimoun ki touy en et imen ava li osi ganny touye.

Levitik 24:21

Sa enn ki touy en zannimo ava ranplas li. Me sa enn ki touy en et imen ava li osi ganny touye.

Nonm 35:31

Ou pa pou aksepte larzan pour sov lavi en kriminel ki koupab; i devret ganny met anmor.

Deterononm 13:8

Pa aksepte, ni ekout en tel dimoun. Pa montre okenn pitye, ni konpasyon, pa soutir li.

Deterononm 19:12

alor, bann ansyen dan sa lavil ava anvoy aret li laba. I ava ganny livre dan lanmen vanzer son disan pour li ganny egzekite.

Deterononm 19:21

Pa montre okenn pitye: En lavi pour en lavi, en lizye pour en lizye, en ledan pour en ledan, en lanmen pour en lanmen, en lipye pour en lipye.

Deterononm 21:9

Konmsa ki ou ava fer disparet disan en inosan parmi zot, an fezan fer sa ki byen devan SENYER.

Deterononm 25:12

ou ava koup son lanmen san okenn pitye.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.