Deterononm 18:16 - Labib An Kreol Seselwa

¹⁶ Sanmenm sa ki ou ti pe reklanmen avek SENYER, ou Bondye ler ou ti lo montanny Horeb, zour rasanbleman, ler ou ti dir: Mon pa oule ekout ankor lavwa SENYER mon Bondye, ni war sa gran dife ankor, pour mwan pa mor.

Deterononm 18:16 ပူးပေါင်းရင်းမြစ်များ

Egzod 20:18

Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.

Egzod 20:19

Zot ti dir Moiz, “Ou, koz avek nou e nou ava ekoute. Me fodre pa ki Bondye i koz avek nou, sankwa nou pou mor.”

Zeremi 1:9

Apre sa, SENYER ti avans son lanmen. I ti tous mon labous e i ti dir mwan: La parol ki mon met dan ou labous.

Deterononm 1:6

SENYER, nou Bondye ti koz avek nou dan montanny Horeb: Zot in reste ase lontan parmi sa bann montanny.

Deterononm 10:4

SENYER ti ekri lo sa de plak ros bann menm parol parey avan, sa dis komannman ki SENYER ti dir zot lo montanny dan milye dife, zour rasanbleman. SENYER ti donn mwan sa de plak ros.

Deterononm 9:10

Alor, SENYER ti donn mwan sa de plak ros ekri par ledwa Bondye. Lo la, ti annan tou bann parol ki SENYER ti'n koz avek zot lo montanny, dan dife, zour rasanbleman.

Ebre 12:19

Zot pa ti antann son en tronpet ek tapaz en lavwa. Kan bann Izraelit ti antann sa lavwa, zot ti dir pa koz avek zot ankor.