Deterononm 17:19 - Labib An Kreol Seselwa

¹⁹ I ava gard sa bann lalwa avek li e lir li tou le zour son lavi. Konmsa, i ava annan respe pour SENYER son Bondye e obzerv tou bann parol lalwa ek bann regleman.

Deterononm 17:19 ပူးပေါင်းရင်းမြစ်များ

2 Rwa 22:10

Sekreter Safann ti osi enform lerwa, “Gran-Pret Hilkiya in donn mwan en liv.” Safann ti lir aotvwa devan lerwa.

Psonm 1:2

O kontrer, i pran plezir dan lalwa SENYER e medit lo son komannman, lizour koman aswar.

Levanzil dapre Zan 5:39

Zot etidye Lekritir akoz zot mazinen ki zot ava trouv lavi eternel ladan. Zisteman, Lekritir menm ki rann temwannyaz dan mon faver.

Deterononm 11:18

Zot ava met mon bann parol ki mon pe donn zot dan zot leker e dan zot et antye; anmar zot lo zot lanmen koman en siny; atas zot koman en mark lo zot fron.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.