Deterononm 16:7 - Labib An Kreol Seselwa

⁷ Ou ava kwi sa zannimo e manz li la kot SENYER, ou Bondye ava'n swazir; lannmen bomaten, ou ava kapab retourn dan ou latant.

Deterononm 16:7 ပူးပေါင်းရင်းမြစ်များ

2 Rwa 23:23

Me dan sa dizwityenm lannen renny lerwa Zozyas, zot ti selebre sa lafet Pak an loner SENYER dan Zerizalenm.

2 Kronik 35:13

Zot ti fer tou dapre lareg: Roti zenn mouton Pak lo dife, kwi bann lofrann sakre dan bann marmit, sodyer, ek lezot resipyan e servi lepep ki ti la, toudswit apre.

Levanzil dapre Zan 11:55

Lafet Pak ti pros. Bokou dimoun ti sorti dan lakanpanny pour al Zerizalenm pour bann seremoni pirifikasyon avan Pak.

Levanzil dapre Zan 2:13

Lafet Pak Zwif ti pros. Alor, Zezi ti mont Zerizalenm.

Levanzil dapre Zan 2:23

Pandan ki Zezi ti Zerizalenm pour lafet Pak, bokou ti krwar li, kan zot ti war sa bann siny ki i ti fer.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 16:2

Ou ava ofer sakrifis Pak an loner SENYER, ou Bondye, bann zannimo sorti dan ou troupo, dan landrwa kot SENYER ava'n swazir pour fer reste prezans son non.

Deterononm 16:6

me zis dan landrwa kot SENYER, ou Bondye ava'n swazir pour fer son non reste. Ou ava ofer sakrifis Pak, aswar, soley kouse, zour ki ou ti kit Lezip.