Deterononm 16:18 - Labib An Kreol Seselwa

¹⁸ Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

Deterononm 16:18 ပူးပေါင်းရင်းမြစ်များ

1 Kronik 23:4

David ti dir, “Parmi zot 24,000 ava sirvey travay dan tanp; 6,000 ava travay koman administrater e ziz,

1 Kronik 26:29

Kenania ek son bann garson dan fanmir Isar, ti okip bann zafer sivil Izrael, koman bann administrater e ziz.

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 21:22

Si dan en bagar parmi bann zonm en fanm ansent i ganny afekte, e son baba i ne avan son term san gran dimal, sa zonm ki ti tap li ava pey domaz ki mari sa fanm i demande, e ki ziz ava aprouve.

Egzod 21:6

alor, son met ava anmenn li devan Bondye. I ava anmenn li kot montan laport e i ava pers son zorey avek en pwenson. Sa zonm ava vin son lesklav pour lavi.

Proverb 31:23

Ler son mari i asiz avek bann ansyen dan pei, dimoun i rekonnet li devan laport lavil.

Matye 5:21

Zot in tande ki nou zanset ti ganny demande: Pa fer krim; sa enn ki fer krim pou ganny zize.

Matye 5:22

Me mwan mon dir zot: Sa enn ki pran lakoler kont son frer, pou ganny zize. Sa enn ki ensilte son frer, pou ganny zize devan tribinal. Sa enn ki tret son frer: Fou, pou ganny pini dan dife lanfer.

Deterononm 16:17

Sakenn ava donn mannyer i kapab, dapre benediksyon ki SENYER, ou Bondye in donn li.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 17:12

En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 17:9

La, ou ava konsilte avek bann pret levit ek sa ziz ki an fonksyon sa bann zour. Zot ava fer ou konnen ki desizyon zot in pran pour sa ka.

Deterononm 21:2

alor, ou bann ansyen ek ou bann ziz ava al mezire, pour war lekel lavil ki pli pros avek sa kadav.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

1 Samyel 8:1

Ler Samyel ti'n vye, i ti nonm son de garson koman ziz pep Izrael.