Deterononm 15:6 - Labib An Kreol Seselwa

⁶ Kan SENYER, ou Bondye ava'n beni ou, parey in promet, ou ava pret larzan bokou nasyon; me ou, ou pa pou demann prete. Ou pou domin lo bokou nasyon, me okenn nasyon pa pou domin ou.

Deterononm 15:6 ပူးပေါင်းရင်းမြစ်များ

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

1 Kronik 17:27

Aprezan, beni lakaz ou serviter pour ki i prospere devan ou akoz sa ki ou beni, i beni pour touzour.

2 Kronik 9:26

Salomon ti domin lo bann lerwa depi larivyer Efrat atraver pei Filisten, ziska frontyer Lezip.

Esdras 4:20

I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Nehemi 9:27

Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Psonm 112:5

Byennere sa enn ki fer dibyen e ki prete; ki regle son bann zafer dapre lazistis.

Psonm 37:21

Malfeter i demann pret larzan me zanmen i rann. Sa enn ki obei SENYER i annan pitye e i touzour partaze.

Psonm 37:26

Tou le zour i montre zenerozite e i prete; son bann zanfan i en benediksyon.

Proverb 22:7

Sa enn ki ris i domin lo bann ki pov; sa enn ki demann prete i vin lesklav sa enn ki prete.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Deterononm 15:5

Me fodre ki ou obei SENYER, ou Bondye e obzerv tou son bann komannman ki mon pe donn ou ozordi.

Deterononm 28:44

Zot ava pret ou larzan, me ou pa pou annan nanryen pour pret zot. Zot ava latet, ou ava vin lake.