Deterononm 15:11 - Labib An Kreol Seselwa

¹¹ Akoz pou touzour annan dimoun ki dan bezwen lo sa later, alor, mon ordonn ou: Ouver ou lanmen anver ou prosen pov e anver sa enn ki dan bezwen dan ou pei.

Deterononm 15:11 ပူးပေါင်းရင်းမြစ်များ

Egzod 23:11

Me setyenm lannen, ou ava les ou later repoze. Bann pov parmi ou pep ava kapab ganny dekwa manze, e bann zannimo sovaz ava manz sa ki zot kite. Ou ava fer parey avek ou bann plantasyon rezen ek ou bann plantasyon zoliv.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Proverb 22:2

La sa ki ris ek pov i annan ansanm: SENYER ki'n fer tou le de.

Proverb 31:20

I touzour pare pour ed sa enn ki pov, i touzour la pour bann dezerite.

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Matye 26:11

Pou touzour annan bann pov parmi zot. Me mwan, mon pa pou toultan la avek zot.

Matye 5:42

Si en dimoun i demann ou keksoz, pa refiz li. Pa refiz en dimoun ki demann ou pret li en keksoz.

Mark 14:7

Annefe, zot pou touzour annan bann pov parmi zot. Si zot anvi, zot pou touzour kapab fer dibyen bann pov. Me mwan, mon pa pou toultan avek zot.

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

Levanzil dapre Zan 12:8

Zot pou touzour annan bann pov parmi zot. Me mwan, mon pa pou touzour parmi zot.”

Akt de Zapot 2:45

Zot ti vann zot propriyete ek tou zot byen. Zot ti distribye larzan ki zot ti gannyen parmi zot, dapre bezwen sakenn.

Deterononm 15:7

Si kot ou, i annan en dimoun ki dan bezwen, en manm ou kominote dan nenport lekel lavil dan sa pei ki SENYER, ou Bondye pou donn ou, pa ferm ou leker, ni ou lanmen devan ou prosen ki dan bezwen.

Deterononm 15:8

O kontrer, ou devre ouver ou lanmen e pret li sa ki i bezwen.