Deterononm 14:29 - Labib An Kreol Seselwa

²⁹ Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 14:29 ပူးပေါင်းရင်းမြစ်များ

Psonm 41:1

I byennere sa enn ki port atansyon lo bann ki pov! SENYER pou delivre li kan i dan maler.

Psonm 41:2

SENYER i protez li, i gard li vivan e rann li ere lo later. I pa pou les li tonm dan lanmen son bann lennmi.

Psonm 94:6

Zot touy bann vev ek bann etranze; zot touy bann orfelen.

Proverb 11:24

Sa enn ki donn avek gran ker, i vin ankor pli ris; sa enn ki pa rann sa ki i dwa, i vin pli pov.

Proverb 19:17

Sa enn ki donn en pov, i pret SENYER; i ava ganny rekonpanse pour tou.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Nonm 18:20

SENYER ti dir Aaron: Ou pou napa par, ni patrimwann parmi pep Izrael. Mwan ki ou par e ou patrimwann parmi pep Izrael.

Levanzil dapre Lik 11:41

Alor, donn bann pov sa ki dan ou lasyet, e tou ava vin prop pour zot.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Deterononm 10:9

Pour sa rezon, Levi napa okenn par dan patrimwann son bann frer. SENYER ki son patrimwann parey SENYER, ou Bondye ti promet li.

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 14:27

Ou pa pou oubliy bann levit ki viv dan ou bann lavil, akoz zot napa okenn par teritwar parmi zot.

Deterononm 15:10

Pret li avek granker san okenn regre, akoz pour sa, SENYER, ou Bondye ava beni ou dan tou ou travay e dan tou sa ki ou ava antreprann.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 16:14

Pandan sa lafet, ou ava selebre, ou, avek ou bann garson, ou bann fiy, ou bann lesklav zonm oubyen fanm, ek bann levit, bann etranze, bann orfelen ek bann vev ki reste dan ou bann lavil.

Deterononm 23:21

Ler ou fer en ve anver SENYER, ou Bondye, pa tarde pour ou akonpli li, akoz SENYER, ou Bondye ava sertennman demann ou kont e ou ava pe komet en pese.

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Deterononm 6:11

bann lakaz ranpli avek en kantite bon keksoz ki ou pa'n anmennen; bann pwi ki ou pa'n fouye, bann plantasyon rezen ek pye zoliv ki ou pa'n plante. Ler ou ava'n manze e rasazye,

Ebre 13:2

Pa oubliye pratik lospitalite. Annefe, serten san konnen, in resevwar lanz se zot.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.