Deterononm 14:22 - Labib An Kreol Seselwa

²² Toulezan, ou ava met dekote ladim lo tou sa ki ou'n rekolte, lo tou sa ki ou plantasyon in raporte.

Deterononm 14:22 ပူးပေါင်းရင်းမြစ်များ

Zenez 28:22

Sa ros ki mon'n fer en pilye avek e konsakre, pou vin lakaz Bondye. Mon pou donn ou en dizyenm lo tou sa ki ou pou donn mwan.

Zenez 47:24

Lo bann rekolt, zot ava donn Faraon en senkyenm parti e leres ava vin pour zot. Zot ava gannyen pour senmen ek dekwa pour manze, pour zot ek zot fanmir.”

Zenez 47:26

Alor Zozef ti fer en lalwa ki ankor egziste ozordi, konmkwa Faraon i resevwar en senkyenm tou rekolt. Zis later bann pret ki Faraon pa ti aste.

Nehemi 10:37

Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.

Nehemi 10:38

Pret, garson Aaron, ava akonpanny bann levit ler zot resevwar ladim. Bann levit ava pran en dizyenm parti ladim e anmenn dan tanp Bondye, dan bann lasal trezor.

Malasi 3:10

Anmenn tou ladim dan trezor tanp, pour ki i annan touzour dekwa manze dan mon lakaz, SENYER liniver i deklare. Teste mwan e zot ava war si mon pa pou ouver rezervwar lesyel e devers lo zot toudsort benediksyon annabondans.

Nonm 15:20

Avek premye lapat ki ou fer, premye dipen devret ganny ofer SENYER koman en don; ou ava prezant li parey ou fer pour ou premye rekolt dan menm fason ki ou fer prezantasyon ou sereal.

Nonm 18:21

SENYER ti kontinyen: Mon donn bann Levit tou ladim ki lepep i ofer mwan. Sa i zot par pour servis dan Latant Rankont SENYER.

Nonm 18:31

Zot kapab manz li dan nenport landrwa avek zot fanmir, akoz i zot saler an retour pour zot servis dan Latant Rankont SENYER.

Deterononm 12:17

Dan bann lavil kot ou pou reste, ou pa pou osi kapab manz par lofrann dible, diven ek delwil bann premye ne ou bann troupo, ni okenn ou bann lofrann pour en ve, oubyen lofrann volonter oubyen ou bann donasyon.

Deterononm 12:6

La, zot ava prezant zot lofrann, zot sakrifis, zot ladim, zot bann donasyon, zot lofrann volonter, e bann premye ne zot troupo.