Deterononm 13:18 - Labib An Kreol Seselwa

¹⁸ SENYER ava fer sa, si ou obei lalwa SENYER, ou Bondye, e gard son bann komannman ki mon pe ordonn ou ozordi, e si ou fer sa ki drwat pour SENYER, ou Bondye.

Deterononm 13:18 ပူးပေါင်းရင်းမြစ်များ

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Psonm 119:6

Alor, mon pa pou kanmi ler mon pou get tou ou bann komannman.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Matye 7:21

Pa tou sa ki apel mwan: Senyer, Senyer, ki pou antre dan Rwayonm lesyel, me zis sa bann ki fer lavolonte mon Papa ki dan lesyel.

Matye 7:24

Alor, sa enn ki ekout mon bann parol e met zot an pratik, pou parey en zonm saz ki konstri son lakaz lo ros.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 13:17

Pa gard okenn piyaz lager, sankwa SENYER pa ankoler kont ou. I ava pran pitye pour ou e dan son konpasyon, i ava fer ou vin nonbre parey i ti fer serman avek ou bann zanset.

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Deterononm 7:26

Pa anmenn okenn lobze degoutan dan ou lakaz, sankwa ou pou ganny detri ansanm avek zot. Ou devre deteste sa bann lobze, akoz fodre zot ganny detri.

Zozye 7:26

Zot ti met en gro ta ros lo li, ki ankor la ozordi. Alor, gran lakoler SENYER ti kalme. Pour sa rezon, sa vale i apel: Vale Akor ziska ozordi.