Deterononm 12:25 - Labib An Kreol Seselwa

²⁵ Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 12:25 ပူးပေါင်းရင်းမြစ်များ

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

Psonm 112:2

Son bann desandan pou pwisan dan pei; Zenerasyon dimoun ki drwat pou ganny beni.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Eklezyas 2:26

I donn lasazes, konnesans ek lazwa sa enn ki fer li plezir. Me sa enn ki mal azir, i fer li rasanble bann byen pour sa enn ki fer plezir Bondye. Sa i zis vanite, konmsi ou pe tay deryer divan.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezai 3:10

Dir sa ki inosan koman i ere, akoz i pou rekolte fri son travay.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?

Deterononm 12:24

Ou pa devre manz sa disan; ou ava vers li lo later parey ou vers delo.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 13:18

SENYER ava fer sa, si ou obei lalwa SENYER, ou Bondye, e gard son bann komannman ki mon pe ordonn ou ozordi, e si ou fer sa ki drwat pour SENYER, ou Bondye.

Deterononm 21:9

Konmsa ki ou ava fer disparet disan en inosan parmi zot, an fezan fer sa ki byen devan SENYER.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 6:18

Fer sa ki drwat e sa ki byen devan SENYER, pour ou kapab antre e viv ere dan sa pei ki SENYER in fer serman avek ou bann zanset pour li donn zot.