Deterononm 11:24 - Labib An Kreol Seselwa

²⁴ Partou kot zot pou poz zot lipye ava vin pour zot: Zot teritwar pou al depi dezer ziska Liban e depi larivyer Efrat ziska lanmer Mediterane.

Deterononm 11:24 ပူးပေါင်းရင်းမြစ်များ

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

2 Kronik 9:26

Salomon ti domin lo bann lerwa depi larivyer Efrat atraver pei Filisten, ziska frontyer Lezip.

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Deterononm 1:7

Repran zot semen e antre dan montanny kot bann Amorit e kot zot bann vwazen Kananeen, dan rezyon montanny Sepela, Negev ek rezyon lakot, dan pei bann Kananeen ek Liban, ziska gran larivyer Efrat.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 12:20

Kan, parey in promet ou, SENYER, ou Bondye ava'n agrandi ou teritwar, e ki ou ava dir: Mon anvi manz lavyann, zis akoz ou anvi, ou ava kapab manz li kantite fwa ki ou anvi.

Deterononm 34:2

teritwar antye Neftali, tou teritwar pei Efraim ek Manase, teritwar antye pei Zida, ziska lanmer Mediterane;

Zozye 14:9

Sa zour, Moiz ti fer sa serman: Mon promet ki sa pei ki ou'n mars lo la, pou vin ou posesyon pour ou e pour ou bann zanfan pour touzour, akoz ou'n reste fidel anver SENYER, ou Bondye.