Deterononm 11:14 - Labib An Kreol Seselwa

¹⁴ Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.

Deterononm 11:14 ပူးပေါင်းရင်းမြစ်များ

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 5:24

Zanmen ou'n mazinen onor mwan, SENYER ou Bondye. Mon'n anvoy lapli dan son sezon toulezan, ler ou plante e ler ou rekolte.

Ezekyel 34:26

Mon pou fer zot viv dan rezyon mon montanny sakre; mon pou fer lapli tonbe dan son sezon; sa i ava lapli benediksyon.

Zoel 2:19

SENYER ti reponn son pep: Mon pou donn zot dible, diven ek delwil ziska ki zot rasazye. Mon pa pou les zot vin en laont ankor, parmi bann nasyon.

Levitik 26:3

Si zot swiv mon bann regleman, si zot gard mon bann komannman e met zot an pratik,

Levitik 26:4

mon ava donn zot lapli an sezon. Later ava prodwir bann rekolt e bann pye dibwa ava raport fri.

Malasi 3:11

Mon pou sas bann sotrel pour zot, pour ki zot rekolt pa ganny detri. Zot plantasyon rezen ava donn en bon rekolt, SENYER liniver ki deklare.

Akt de Zapot 14:17

Me kantmenm sa, i'n touzour revel son bonte. I'n donn zot son lapli sorti dan lesyel, ek bann rekolt, sakenn dan son sezon. I'n donn zot osi manze e i'n ranpli zot leker avek lazwa.”

Deterononm 28:12

SENYER ava ouver son trezor dan lesyel pour ou. Dan son sezon, i ava donn ou later lapli e i ava beni tou sa ki ou ava antreprann. Ou ava pret larzan bokou nasyon, me ou pa pou zanmen demann prete.

Let Zak 5:7

Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.