Deterononm 10:14 - Labib An Kreol Seselwa

¹⁴ Lesyel ek tou sa ki ladan, later osi ek tou sa ki ladan i pour SENYER, ou Bondye.

Deterononm 10:14 ပူးပေါင်းရင်းမြစ်များ

Zenez 14:19

I ti beni Abranm an dizan: Bondye Treo, ki'n kree lesyel ek later! Beni Abranm.

Zenez 14:22

Me Abranm ti reponn li, “Mon lev mon lanmen devan SENYER, Bondye Treo ki'n kree lesyel ek later:

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

2 Kronik 6:18

Me eski Bondye pou vreman reste avek bann imen lo later? Lesyel pli o, pa kapab kontenir ou. Koman alor, sa lakaz ki mon'n fer, pou kapab kontenir ou?

Nehemi 9:6

Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

Liv Zob 41:11

Lekel ki kapab konfront li e reste vivan? Tou sa ki anba lesyel i pour mwan.

Psonm 115:16

Lesyel i pour SENYER, me in donn bann imen later.

Psonm 148:4

Loue li! Lesyel ki lao e bann delo ki par lao lesyel.

Psonm 24:1

Later avek tou son larises, lemonn avek tou son bann zabitan i pour SENYER.

Psonm 50:12

Si mon lafen, mon pa pou bezwen fer ou konnen, akoz later ek tou sa ki i annan dan lemonn i pour mwan.

Psonm 68:33

Atraver lesyel lo son kales, i fer tande son lavwa pwisan.

Egzod 19:5

Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 9:29

Moiz ti dir li, “Ler mon pou kit lavil, mon pou lev mon lanmen ver SENYER. Tapaz loraz pou arete e pou nepli annan lagrel. Konmsa, ou ava konnen ki later i pour SENYER.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Akt de Zapot 17:24

Bondye ki'n kree lemonn ek tou sa ki ladan, i Senyer lesyel ek later. I pa reste dan bann tanp ki'n ganny konstri par lanmen zonm.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

1 Korentyen 10:28

Me si en dimoun i dir ou: Sa lavyann ti'n ganny ofer koman sakrifis an loner bann zidol; pa manze par konsiderasyon pour sa dimoun ki'n fer ou sa remark, e pour en rezon konsyans.

2 Korentyen 12:2

Mon konn en zonm kretyen ki, 14 an pase, ti ganny anmennen ziska trwazyenm lesyel. Si i ti mont avek son lekor oubyen san son lekor, sa mon pa konnen, Bondye ki konnen. Sa zonm ti monte ziska trwazyenm lesyel.

Deterononm 10:13

Gard bann komannman SENYER ek son bann regleman ki mon pe ordonn ou ozordi, pour ki ou viv ere.

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.