Danyel 9:8 - Labib An Kreol Seselwa

⁸ SENYER! Laont i pour nou! Nou, avek nou bann lerwa, nou bann sef, ek nou bann zanset, nou onte, akoz nou'n fer pese kont ou.

Danyel 9:8 ပူးပေါင်းရင်းမြစ်များ

2 Rwa 21:15

akoz zot in fer sa ki depler mwan e provok mwan, depi zour zot bann zanset ti sorti Lezip ziska ozordi.

2 Kronik 6:37

si zot reflesi depi sa pei kot zot in ganny deporte, si zot repanti e sipliy ou: Nou'n komet pese, nou'n fer bokou fot e nou koupab!

Nehemi 1:6

Ekout avek atansyon, ouver ou lizye, ekout lapriyer ki mwan ou serviter mon pe adres ou. Mon pe priy devan ou nwit e zour pour ou bann serviter, pep Izrael; mon rekonnet pese pep Izrael ki nou'n komet kont ou. Mwan ek mon fanmir, nou'n fer pese kont ou.

Ezai 64:4

Personn pa'n zanmen konnen; zorey pa'n zanmen tande; lizye pa'n zanmen war okenn Bondye parey ou, ki azir konmsa, anver dimoun ki met son lespwar dan ou.

Zeremi 14:20

SENYER! Nou konnen e nou rekonnet ki nou ek nou bann zanset, nou'n mal azir kont ou.

Zeremi 32:32

Mon pou detri sa lavil, akoz tou sa bann move keksoz ki pep Zida e pep Zerizalenm in komet avek zot bann lerwa, zot bann sef, zot bann pret e zot bann profet.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 3:42

Nou'n fer pese e nou'n revolte kont ou; me ou pa'n pardonn nou.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 5:6

I'n revolte kont mon bann desizyon ek regleman plis ki lezot nasyon. Son konportman i pli move ki bann nasyon etranze ki antour li. I'n rezet mon bann desizyon e i pa'n obei mon bann regleman.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.