Danyel 9:3 - Labib An Kreol Seselwa

³ Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Danyel 9:3 ပူးပေါင်းရင်းမြစ်များ

2 Samyel 12:16

David ti sipliy Bondye an faver sa zanfan: I ti fer en zenn. Ler i ti retourn se li, i ti dormi ater tou lannwit.

Esdras 10:6

Apre, Esdras ti sorti kot i ti ete devan tanp Bondye e al pas lannwit dan en lasanm kot Yohanann, garson Eliasib. I pa ti ni manze, ni bwar, akoz i ti an dey pour bann move aksyon ki bann ansyen deporte ti'n komet.

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Esdras 9:5

Kan ler sakrifis aswar ti arive, mon ti leve dan mon leta sagren, avek mon bann lenz desire, mon ti tonm azenou, mon ti lev mon lanmen ver SENYER, mon Bondye.

Nehemi 9:1

Dan sa menm mwan, vennkatriyenm zour, pep Izrael ti rasanble ansanm pour zene. Zot ti met lenz dey, avek lapousyer lo zot latet.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Liv Zob 42:6

Pour sa rezon, mon rekonnet mon tor e mon repanti dan lapousyer e dan lasann.

Psonm 35:13

Kan zot ti malad, mon ti met lenz dey. Par senpati, mon ti fer en zenn e mon ti priye.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Ezekyel 36:37

La sa ki Senyer BONDYE i deklare: La sa ki mon pou fer: Mon pou les pep Izrael vin rod ankor mon led, pour mwan azir dan zot faver; mon pou ogmant zot popilasyon e fer li vin nonbre parey mouton dan en troupo.

Danyel 6:10

Kan Danyel ti aprann ki sa lord ti'n ganny sinyen, i ti al dan son lakaz, dan lasanm letaz, kot bann lafnet ki vir ver Zerizalenm. Trwa fwa par zour, i ti met li azenou pour priye e loue son Bondye, parey i ti abitye fer.

Danyel 9:2

Dan premye lannen son renny, mwan, Danyel, mon ti konsilte bann liv sakre pour konpran parol ki SENYER ti'n donnen par profet Zeremi. Mon ti konpran ki Zerizalenm pou reste detri pour 70 lannen.

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Zonas 3:5

Bann zabitan Niniv ti krwar dan Bondye. Zot ti proklanm en zenn. Depi sa ki pli ris ziska sa ki pli pov ti met lenz dey.

Matye 17:21

Me sa kalite demon i ganny sase zis par lapriyer e par zenn.”

Levanzil dapre Lik 2:37

I ti'n reste vev. Aze 84 an, i pa ti kit Tanp. I ti kontinyen servi Bondye, lizour koman aswar; i ti zennen e priye.

Akt de Zapot 10:30

Korney ti reponn, “I annan trwa zour, apepre sa ler, mon ti pe priye ver 3 er apremidi, parey labitid. Toutakou, mon ti war en zonm dan en lenz blan, klate, debout devan mwan.