Danyel 9:27 - Labib An Kreol Seselwa

²⁷ I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Danyel 9:27 ပူးပေါင်းရင်းမြစ်များ

Ezai 28:15

Akoz zot in dir: Nou'n fer en lalyans avek lanmor; nou annan en lakor avek lemonn lanmor. Ler katastrof ava arive, i pa pou tonm lo nou; akoz nou'n fer mansonz vin nou labri e nou kasyet nou dan tou sa ki fo.

Ezai 28:22

Aprezan, aret gognarde, akoz ou lasenn pou ser ou plis ankor; akoz mon'n antann koz lo en lord destriksyon ki sorti kot Senyer BONDYE liniver.

Ezai 42:6

Mwan SENYER, mon'n apel ou dapre lazistis. Mon'n pran ou par lanmen e protez ou; mon'n swazir ou pour ou vin en lalyans pour lepep, en lalimyer pour bann nasyon,

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zeremi 7:30

Annefe, SENYER i deklare, pep Zida in fer sa ki depler mwan: Zot in plas zot bann stati degoutan ki mon deteste dan tanp ki'n ganny konsakre pour mwan, e zot in rann li enpir.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 12:11

Depi letan ki sakrifis tou le zour i ganny aboli, pour ki sa pratik degoutan i ganny etabli, pou annan 1,290 zour.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:13

Apre, mon ti antann en lanz koze. En dezyenm lanz ti dir avek sa enn ki ti pe koze, “Ziska kan sa vizyon lo sakrifis tou le zour e lo transgresyon pou kontinyen? Ziska kan sanktyer ek larme lesyel pou ganny kraze anba lipye?”

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Nonm 7:62

en lakoup annor ki ti pez 100 granm, ranpli avek lansan,

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

Mark 13:14

Kan zot ava war Profanasyon degoutan ganny enstale la kot i pa devre ete; sa enn ki lir sa, konpran. Alor, sa bann ki dan Zide, zot devre sov dan montanny.

Levanzil dapre Lik 21:20

“Me kan zot ava war Zerizalenm anserkle par bann larme, zot ava konnen ki destriksyon i pros.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Romen 5:15

Me nou pa kapab konpar don gratwi ki Bondye i fer, avek fot Adan. I vre ki bokou dimoun in mor akoz lafot en sel zonm. Me don gratwi ki Bondye in akord lo en gran nonm dimoun par en sel zonm, Zezi-Kri, i pli enportan ankor.

Romen 5:19

Annefe, par dezobeisans en sel zonm, en kantite dimoun in tonm dan pese. Demenm, par lobeisans en sel zonm, en kantite dimoun in vin zis devan Bondye.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.