Danyel 9:21 - Labib An Kreol Seselwa

²¹ Mon ti ankor pe priye, kan Gabriyel, sa zonm ki mon ti'n war avan dan en vizyon, ti anvol ver mwan avek en gran vites. Sa ti pandan sakrifis aswar.

Danyel 9:21 ပူးပေါင်းရင်းမြစ်များ

1 Rwa 18:29

Midi ti'n pase, zot ti konmans profetize ziska ler lofrann sakrifis apremidi. Me ti napa ni lavwa, ni repons, ni okenn siny latansyon.

1 Rwa 18:36

Kan ti ler pour ofer sakrifis, profet Eli ti avanse. I ti dir, “SENYER, Bondye Abrahanm, Izaak e Izrael! Tou dimoun ava konnen ozordi, ki se ou Bondye dan Izrael; ki mwan ou serviter e ki tou sa ki mon'n fer, se lo ou parol.

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

Psonm 104:4

I servi divan koman son mesaze; laflanm dife koman son serviter.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Egzod 29:39

Ou ava ofer en zenn mouton bomaten e lot, aswar.

Ezai 6:2

Bann serafen ti pare pour servi li. Zot ti annan sis lezel: De ti servi pour kouver zot figir, de ti servi pour kouver zot lipye e de pour zot anvole.

Ezekyel 1:11

Zot lezel, de ti ouver e zot bout ti tous ansanm anler, de lot ti kouver zot lekor.

Ezekyel 1:14

Bann et vivan ti pe ale vini osi vit ki zekler.

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Danyel 10:10

Alor, en lanmen ti tous mwan, lev mwan, met mwan an tranblan, lo mon zenou e lo mon lanmen.

Danyel 10:16

Alor, en personnaz ki ti resanble en imen, ti tous mon lalev. Mon ti ouver mon labous e mon ti dir sa enn ki ti pe debout devan mwan: Mon senyer, akoz sa vizyon, mon ganny en douler e mon nepli annan lafors.

Danyel 10:18

Alor, sa enn ki ti resanble en zonm, ti tous mwan pour mwan reganny lafors.

Danyel 8:16

Mon ti antann en lavwa imen sorti dan larivyer Oulai. I ti kriye: Gabriyel, eksplik li sa vizyon.

Danyel 8:18

Pandan ki i ti pe koz avek mwan, mon ti tonm lafas ater, san konnesans. I ti tous mwan e met mwan debout kot mon ti ete.

Matye 27:46

Ver 3 er apre midi, Zezi ti kriy avek en lavwa for, “Eloi! Eloi! Lama sabaktani?” Savedir, “Mon Bondye! Mon Bondye! Akoz ou'n abandonn mwan?”

Levanzil dapre Lik 1:19

Alor lanz ti reponn li, “Mwan, Gabriyel ki debout dan prezans Bondye pour servi li. In anvoy mwan pour koz avek ou, e anons ou sa bon nouvel.

Levanzil dapre Lik 1:26

Kan Elizabet ti dan son sizyenm mwan, Bondye ti anvoy lanz Gabriyel dan en lavil Galile ki ti apel Nazaret.

Akt de Zapot 10:3

En zour, ver 3 er apremidi, i ti ganny en vizyon. I ti war byen klerman en lanz Bondye antre se li. Sa lanz ti dir li, “Korney!”

Akt de Zapot 10:9

Lannmen, ver midi, letan zot ti pe vwayaze e pe apros Zope, Pyer ti mont lo twa lakaz pour priye.

Akt de Zapot 12:7

Toutakou, en lanz Senyer ti aparet e en lalimyer ti ekler sa kaso. Lanz ti tap Pyer dan son kote e revey li, “Leve, vit!” Bann lasenn lo son pwannyen ti tonbe.

Akt de Zapot 3:1

En zour, Pyer ek Zan ti pe al dan Tanp 3 er apremidi pour lapriyer.

Ebre 1:14

Bann lanz, ki zot ete? Pa zot bann lespri ki servi Bondye, e ki ganny anvoye pour ed tou bann ki pou ganny sove?

Ebre 1:7

Me lo size bann lanz Bondye i deklare: I'n fer son bann lanz vin bann souf, e son bann serviter, bann laflanm dife.

Revelasyon 9:17

Dan mon vizyon, la ki mannyer mon ti war bann seval avek zot bann kavalye: Bann kavalye ti port lenz lager kouler rouz koman dife, ble koman pyer safir, e zonn koman souf. Latet bann seval ti koman latet lyon. Dife, lafimen ek souf ti sorti dan zot labous.