Danyel 9:19 - Labib An Kreol Seselwa

¹⁹ Senyer, ekoute! Senyer, pardonn nou! Senyer, pran pitye! Azir, san tarde! Pour ou non, mon Bondye! Akoz ou non i ganny envoke lo sa lavil e lo ou pep!

Danyel 9:19 ပူးပေါင်းရင်းမြစ်များ

2 Kronik 6:21

Ekout mon lapriyer ek lapriyer ou pep Izrael ki nou adres ver ou, kot ou prezans i ete. Ekout nou, depi lesyel kot ou reste! Ekout nou e pardonn nou.

2 Kronik 6:39

depi lao dan lesyel kot ou reste, ekout zot lapriyer, zot siplikasyon e defann zot drwa. Pardonn zot pese ki zot in komet kont ou.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Zeremi 25:29

Annefe, mon pou konmans detri mon prop lavil kot mon non i ganny envoke. Pa krwar ki zot pa pou ganny inosante. Zot osi, zot pou ganny pini, e mon pou anvoy dezas lo tou bann zabitan lo later, SENYER liniver i deklare.

Ezekyel 20:14

Pourtan, mon'n azir avek konsiderasyon pour mon loner, pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 20:22

Me mon pa ti fer li; mon ti azir an konsiderasyon mon loner pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 20:9

Me mon'n azir avek konsiderasyon pour mon loner, pour ki mon non pa ganny profannen parmi bann nasyon kot zot zanset ti reste. Annefe, sa bann nasyon ti deza konn mon promes pour fer zot sorti Lezip.

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Amos 7:2

Kan bann sotrel ti'n fini manz tou zerb dan pei, mon ti kriye: Senyer BONDYE! Pardonn ou pep! Ki mannyer Zakob pou kapab sirviv? I telman pti!

Nonm 14:19

Alor, pardonn fot sa pep dapre ou gran fidelite, parey ou'n pardonn zot depi zot in kit Lezip.”

Nonm 6:27

Konmsa zot ava fer mon non repoz lo pep Izrael e mon ava beni zot.

Levanzil dapre Lik 11:8

Mon dir zot, i pa pou leve pour donn li dipen, menm si i son zanmi. Me akoz son zanmi in ensiste san vergonny, i ava leve e donn li tou sa ki i bezwen.

Akt de Zapot 15:17

pour ki leres dimoun i rod Senyer, ensi ki tou bann nasyon ki port mon non. Sanmenm sa ki Senyer in deklare,

Efezyen 1:12

Nou ki ti bann premye pour met nou lesperans dan Kris, annou loue Bondye dan son grander!

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.