Danyel 9:18 - Labib An Kreol Seselwa

¹⁸ Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Danyel 9:18 ပူးပေါင်းရင်းမြစ်များ

1 Rwa 8:29

Gard ou lizye ouver toultan, lizour koman aswar, lo sa lakaz, sa landrwa ki ou menm ou'n dir: Mon non pou reste la. Ekout lapriyer ki ou serviter i fer dan sa landrwa.

2 Rwa 19:16

SENYER! Avek en zorey atantif, ekout nou! Ouver ou lizye, SENYER, get byen. Ekout sa bann parol ki Senakerib in anvoye pour ensilte Bondye vivan.

Psonm 116:1

Mon kontan SENYER akoz in antann mon lavwa ek mon siplikasyon.

Psonm 25:6

SENYER! Pa oubliy ou konpasyon ek ou fidelite ki ou'n touzour montre.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Ezai 37:17

SENYER! Avek en zorey atantif, ekout nou! Ouver ou lizye, SENYER, get byen! Ekout tou sa bann parol ki Senakerib in anvoye pour ensilte Bondye vivan.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Ezai 64:12

SENYER! Devan tousala, eski ou pou reste san azir? Eski ou pou gard silans e pini nou osi severman?

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Zeremi 25:29

Annefe, mon pou konmans detri mon prop lavil kot mon non i ganny envoke. Pa krwar ki zot pa pou ganny inosante. Zot osi, zot pou ganny pini, e mon pou anvoy dezas lo tou bann zabitan lo later, SENYER liniver i deklare.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 37:20

Aprezan, mon demann ou, mon senyer lerwa, ekout mwan. Ekout sa ki mon pou demann ou: Mon sipliy ou, pa ranvoy mwan kot sekreter Zonatan. Sankwa mon pou mor.”

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Ezekyel 36:32

Pep Izrael, mon fer zot konnen ki pa akoz zot, ki mon pe azir konmsa, me zot devre vreman onte pour zot move konportman. Senyer BONDYE ki deklare.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.

Nonm 6:27

Konmsa zot ava fer mon non repoz lo pep Izrael e mon ava beni zot.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.