Danyel 9:16 - Labib An Kreol Seselwa

¹⁶ Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Danyel 9:16 ပူးပေါင်းရင်းမြစ်များ

Nehemi 9:8

Ou ti war son leker senser anver ou; ou ti fer en lalyans avek li pour donn son desandans pei bann Kananeen, bann Hitit, bann Amorit, bann Perizit, bann Zebizit ek bann Girgasit. Ou'n gard ou promes, akoz ou zis.

Psonm 143:1

SENYER! Ekout mon lapriyer. Dan ou fidelite, port atansyon lo mon bann siplikasyon. Dan ou bonte, reponn mwan.

Psonm 31:1

SENYER! Mon'n ganny labri kot ou. Pa zanmen les mwan ganny imilye. Dan ou lazistis, delivre mwan!

Psonm 41:13

Loue SENYER, Bondye Izrael pour touzour! Amenn! Amenn!

Psonm 71:2

Dan ou lazistis, delivre mwan e sov mwan! Ekout mwan! Vin delivre mwan.

Psonm 79:4

Nou ganny ensilte par bann nasyon vwazen; zot gognard nou, zot riy nou.

Psonm 85:4

Bondye nou Sover! Retabli nou. Renons ou lakoler kont nou.

Psonm 89:51

SENYER! Mazin bann repros ki lo ou serviter. Mazin sa pep ki ou'n met mwan ansarz.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 32:31

Depi zour ki lavil Zerizalenm ti ganny konstri, e ziska ozordi, son bann zabitan in provok mwan e fer mon lakoler monte. Pour sa rezon ki mon pou fer li disparet.

Zeremi 32:32

Mon pou detri sa lavil, akoz tou sa bann move keksoz ki pep Zida e pep Zerizalenm in komet avek zot bann lerwa, zot bann sef, zot bann pret e zot bann profet.

Ezekyel 22:4

Ou koupab pour bann krim ki ou'n komet e ou'n vin enpir akoz bann stati ki ou bann zabitan in fer. Ou'n rakoursi ou lavi; ou destriksyon i pros. Alor, mon'n kouver ou avek laont devan lezot nasyon. Tou nasyon pe gognard ou.

Ezekyel 5:14

Ou Zerizalenm, mon pou fer ou vin en ta debri e en laont parmi bann nasyon dan zalantour e devan tou sa ki pas par la.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Zoel 3:17

Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

1 Samyel 2:7

SENYER ki rann en dimoun pov oubyen ris. I abes dimoun e i fer li releve.