Danyel 9:14 - Labib An Kreol Seselwa

¹⁴ Alor, SENYER in deside pour anvoy sa maler lo nou. SENYER, nou Bondye! Ou zis dan tou sa ki ou fer, me, nou pa'n ekout ou.

Danyel 9:14 ပူးပေါင်းရင်းမြစ်များ

2 Kronik 12:6

Bann sef Izrael ek lerwa ti rekonnet zot tor e zot ti dir, “SENYER i zis.”

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Psonm 111:7

Tou sa ki i fer avek son lanmen i vre e i zis. Tou son bann direktiv i sir.

Psonm 116:5

SENYER i bon e i zis. Nou Bondye i ranpli avek konpasyon.

Psonm 119:137

SENYER ou zis e ou bann desizyon i drwat.

Psonm 51:14

Mon Bondye! Sov mon lavi. Mon Bondye! Ou menm mon liberater. Alor, dan lazwa, mon ava proklanm ou delivrans.

Egzod 9:27

Faraon ti fer apel Moiz ek Aaron. I ti dir zot, “Mon'n fer pese safwasi; SENYER ki zis; mwan avek mon pep, nou an tor.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 31:28

Mon'n fer tou pour derasinen, koupe, demoli, detri e fer dimal sa pep. Me aprezan, mon pou fer tou pour li; konmsa, i pou ganny rekonstri e replante, SENYER i deklare.

Zeremi 4:17

Lennmi in anserkle Zida ek Zerizalenm. Zot parey bann gardyen ki vey en plantasyon. Sa i akoz zot in revolte kont mwan, SENYER i deklare.

Zeremi 44:27

Mon pou vey lo zot, pa pour zot boner, me pour zot maler. Zot tou ki sorti Zida e ki pe reste Lezip, zot pou ganny masakre oubyen mor par lafen. Personn pa pou sape.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Ezekyel 16:43

Ou'n fer monte mon lakoler avek tousala, akoz ou nepli rapel letan ou lazenes. Alor, mon tour, mon pou fer ou bann aksyon retonm lo ou. Senyer BONDYE ki'n deklare. Annefe, an plis ki sa bann pratik onte, pa ou'n komet bann aksyon ankor pli degoutan?

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.